मुंबई : दुप्पट फायद्याच्या नावाखाली दिग्दर्शकाची दीड कोटींची फसवणूक

गोव्यात जमिनीमध्ये गुंतणूकीतून कमी कालावधीमध्ये दुप्पट फायदा मिळवून देण्याचे आमीष दाखवून जाहिरात दिग्दर्शकाची दीड कोटी रुपयांची फसवणूक करण्यात आली आहे.

fraud of 1.5 crore with director by lure of double profit

आरोपी गोव्यातील रहिवासी असल्याची माहिती सूत्रांनी दिली.(फोटो- प्रतिकात्मक छायाचित्र)

लोकसत्ता खास प्रतिनिधी

मुंबई : गोव्यात जमिनीमध्ये गुंतणूकीतून कमी कालावधीमध्ये दुप्पट फायदा मिळवून देण्याचे आमीष दाखवून जाहिरात दिग्दर्शकाची दीड कोटी रुपयांची फसवणूक केल्याप्रकरणी बांगुर नगर पोलिसांनी १० जणांविरोधात गुन्हा दाखल केला आहे. आरोपी गोव्यातील रहिवासी असल्याची माहिती सूत्रांनी दिली.

आणखी वाचा

During the blockade gold and silver worth six crores were seized Pune news

नाकाबंदीत पावणेसहा कोटींचे सोने, चांदी जप्त; ओैंध परिसरात कारवाई

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Pramod Sawant: महायुती की महाविकास आघाडीच्या काळात उद्योग महाराष्ट्राबाहेर? मुख्यमंत्र्यांचे मोठे विधान

Jewellery worth six and half lakhs was stolen from passenger at Swargate ST station

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

maharashtra assembly election 2024 prakash ambedkar alleges that travel in mumbai and electricity bills is expensive because of adani

मुंबईतली प्रवास, वीज अदानींमुळे महाग, वंचित’च्या प्रकाश आंबेडकर यांचा आरोप

अंबर दलाल प्रकरणात २२ कोटींच्या मालमत्तेवर टाच, ११०० कोटींचा गैरव्यवहार

Stock market investment bait, fraud, Pune,

पुणे : शेअर बाजारात गुंतवणुकीच्या आमिषाने २६ लाखांची फसवणूक

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

तक्रारदार सिद्धार्ध जेन्ना हे गोरेगाव येथील रहिवासी असून गेल्या १४ वर्षांपासून जाहिरात दिग्दर्शनाचे काम करतात. त्यांच्या तक्रारीवरून बांगुर नगर पोलिसांनी विक्रमदेव मल्होत्रा, रितू मल्होत्रा, मारिया फर्नांडीस, राल्स्टन पिंटो, लिना मांढरेकर, प्रमोद मांढरेकर, लियो डायस, रश्मी चोडणकर, ज्युडी गोम्स व साईनाथ पाटेकर यांच्याविरोधात फसवणूक व फौजदारी विश्वासघात केल्याप्रकरणी गुन्हा दाखल केला आहेत.

आणखी वाचा-मुंबईत स्त्रियांसाठी पुरेशी शौचालये नाहीत, ४ शौचकुपांमागे केवळ १ शौचकुप महिलांसाठी

तक्रारीनुसार आरोपी विक्रमदेव मल्होत्रा व त्यांची पत्नी रितू मल्होत्रा यांची गोव्यात कंपनी असून त्या कंपनीमार्फत ते जमीनीच्या विक्रीचे काम करतात. तक्रारदार जेन्ना यांना जमीन गुंतवणूकीतून दुप्पट फायदा मिळवून देण्याचे आश्वासन दिले होते. त्यानुसार तक्रारदार यांनी एक कोटी ४९ लाख धनादेशाद्वारे व सव्वा तीन लाख रोखीने मल्होत्रा व त्यांच्या साथीदारांना दिले होते. २०२० मध्ये झालेल्या व्यवहारानंतर तक्रारदार यांच्या नावावर अद्याप जमीन हस्तांतरीत करण्यात आल्या नाहीत. तसेच त्यांची रक्कमही परत देण्यात आली नाही. अखेर याप्रकरणी जेन्ना यांनी पोलिसांकडे धाव घेतली. याप्रकरणी बांगुर नगर पोलीस अधिक तपास करत आहेत.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Fraud of 1 5 crore with director by lure of double profit mumbai print news mrj