मुंबई : गुंतवणुकीवर चांगला नफा देण्याचे आमिष दाखवून फसवणूक

मुंबई : गुंतवणुकीवर चांगला नफा देण्याचे आमिष दाखवून करीरोड येथील ७२ वर्षांच्या वृद्धासह त्यांच्या नातेवाईकांची ९० लाखांना फसवणूक करण्यात आल्याची तक्रार माता रमाबाई आंबेडकर (एमआरए) मार्ग पोलिसांना प्राप्त झाली आहे. याप्रकरणी पोलिसांनी कंपनीच्या दोन भागिदारांविरोधात गुन्हा दाखल करण्यात आला आहे.

आणखी वाचा

शिक्षण संस्थेच्या नावाखाली औद्योगिक भूखंडावर डोळा, मंत्री अब्दुल सत्तार यांच्या खेळीस अधिकाऱ्यांच्या सजगतेमुळे चाप

Nana Patole : निकालाआधी राजकीय घडामोडींना वेग; यातच…

पुणे : शेअर बाजारात गुंतवणुकीच्या आमिषाने ८७ लाखांची फसवणूक

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

अंबर दलाल प्रकरणात २२ कोटींच्या मालमत्तेवर टाच, ११०० कोटींचा गैरव्यवहार

पुणे : शेअर बाजारात गुंतवणुकीच्या आमिषाने २६ लाखांची फसवणूक

आणखी वाचा-बोरिवलीमधील व्यवसायिकाची १० कोटींची फसवणूक; तीन आरोपी अटकेत

करीरोड येथील रहिवासी असलेले ७२ वर्षीय बिपीन शांतीलाल बावीसी यांच्या तक्रारीवरून पोलिसांनी महेंद्र शहा आणि शैलेश शहाविरोधात गुन्हा दाखल केला आहे. तक्रारीनुसार, १ एप्रिल २०१५ ते ५ फेब्रुवारी २०२४ दरम्यान ही फसवणूक केल्याचा आरोप आहे. आरोपींनी संगनमत करून त्यांच्या कंपनीमध्ये गुंतवणूक केल्यास चांगला नफा मिळेल असे आमिष दाखवले. त्यानुसार, बिपीन यांच्यासह पत्नी, भाऊ, वाहिनी आणि अन्य नातेवाईकांनी एकूण ९० लाख रुपयांची गुंतवणूक केली. मात्र हाती काहीच न आल्याने त्यांना फसवणूक झाल्याचा संशय आला. त्यांनी पैसे परत करण्यासाठी तगादा लावला. पैसे न मिळाल्याने त्यांनी पोलिसांत धाव घेऊन तक्रार दिली. त्यानुसार, पोलिसांनी कंपनीचे भागीदार महेंद्र आणि शैलेश यांच्या विरुद्ध गुन्हा दाखल केला. याप्रकरणी पोलीस अधिक तपास करीत आहेत.