Video : भारतातील पहिले पोळीभाजी केंद्र ते फक्त लाडू विक्रीची दुकानं; कानिटकरांचा ४० वर्षांचा प्रवास । गोष्ट असामान्यांची : भाग १५

१९७०-८० च्या दशकात मराठी माणूस आपल्या हक्कांसाठी आणि अस्तित्वासाठी झगडत होता. मराठी माणूस फक्त नोकरी करणार, त्याला काही व्यवसाय जमणार नाही, असा त्या काळचा समज होता. परंतु डोंबिवलीच्या कानिटकरांनी मात्र हा समज मोडून काढला. त्यांनी १९७८ साली भारतातील पहिले पोळीभाजी केंद्र उभारले आणि ते यशस्वीरित्या चालवूनही दाखवले. बघता बघता कानिटकरांचे हे पोळीभाजी केंद्र डोंबिवलीची ओळख बनले. पोळीभाजी केंद्रापासून सुरु झालेला त्यांचा हा प्रवास आता लाडवांच्या व्यवसायापर्यंत येऊन पोहोचला आहे. जाणून घेऊया कानिटकरांच्या ४० वर्षाच्या प्रवासाविषयी…