‘ईडी’ चौकशीला पूर्ण सहकार्य ; इक्बालसिंह चहल यांची ग्वाही

करोना साथीच्या काळात आरोग्य सेवा पुरवताना मुंबई महापालिकेत झालेल्या गैरव्यवहारांची आधीच भारताचे नियंत्रक व महालेखापरीक्षकांकडून (कॅग) चौकशी सुरू आहे. त्यातच सक्तवसुली संचालनालयानेही आयुक्तांना चौकशीसाठी पाचारण केले आहे. सोमवारी त्यांना चौकशीसाठी बोलावण्यात आले आहे. चौकशीची टांगती तलवार असताना चहल यांनी रविवारी मुंबईत पार पडलेल्या मॅरेथॉनमध्ये भाग घेतला होता.

ईडी चौकशीबद्दल पालिका आयुक्तांना विचारले असता ते म्हणाले की, शो हॅज टू गो ऑन. सोमवारी ईडी कार्यालयात जाणार असून त्यांना योग्य ते सहकार्य करू. याबाबत  आणखी माहिती विचारली असता आज केवळ मॅरेथॉनवरच बोलणार असल्याचे स्पष्ट केले.