लोअर परळमध्ये अतिक्रमण निर्मूलनाची कारवाई, गणपतराव कदम मार्गावरील अतिक्रमण हटवले

लोअर परळ पश्चिमेकडील गणपतराव कदम मार्गावर व्यावसायिक दुकानदार, गाळेधारकांनी वाढीव बांधकाम, अनधिकृत शेडस् उभारली होती. त्यामुळे पादचारी, वाहनचालक यांना वाट काढत जावे लागते. या अतिक्रमणांवर निष्कासनाची कारवाई करण्याचे निर्देश उपायुक्त प्रशांत सपकाळे आणि जी दक्षिण विभागाच्या सहायक आयुक्त मृदुला अंडे यांनी दिले होते. त्यानुसार जी दक्षिण विभागाच्या अतिक्रमण निर्मूलन, परिरक्षण आणि आरोग्य विभागाने संयुक्तपणे ही कारवाई केली. महानगरपालिकेचे अभियंते, १२ कामगार, दोन मालट्रक आणि पोलीस दलाच्या मदतीने ही निष्कासन कारवाई पार पडली.