मतदार यादीत नाव नोंदवा हमर, बेन्टलीमधून फिरवून आणतो, राम कदमांचा नवा प्रताप

२००९ साली मी पहिल्यांदा आमदार झालो. त्यावेळी जी मुले चौथी-पाचवीत होती. ती आता १८ वर्षांची झाली आहेत. त्या सर्वांनी मतदार यादीत नाव नोंदणी करावी. तुम्ही मतदार यादीत नाव नोंदवल्यास तुम्हाला हमर, बेन्टली या महागडया गाडयांमधून फिरवून आणीन. शाहरुख खान, सलमान खान, वरुण धवन, रणवीर सिंह या अभिनेत्यांबरोबर तुमची भेट घडवून आणीन तसेच तुम्हाला तिरुपती बालाजी यात्रेला घेऊन जाईन अशी आमिष राम कदम यांनी दाखवली आहेत.

राष्ट्रवादी काँग्रेसचे नेते आणि आमदार जितेंद्र आव्हाड यांनी लगेचच भाजपा आमदार राम कदम यांचा नवीन प्रताप या नावाने हा व्हिडिओ शेअर केला आहे. मतदार होण्यासाठी मतदारांना आमिष दाखवताय मग निवडुन येण्यासाठी काय ? असा सवाल जितेंद्र आव्हाड यांनी विचारला आहे.