सोन्याच्या भावात २,४३० रुपयांची उसळी, आर्थिक अनिश्चिततेमुळे दराचा उच्चांक

अमेरिकेचे अध्यक्ष डोनाल्ड ट्रम्प यांच्या व्यापार धोरणांमुळे जागतिक पातळीवर अनिश्चिततेचे वातावरण आहे. त्यामुळे गुंतवणूकदार सोन्याच्या सुरक्षित गुंतवणुकीकडे वळले आहेत. परिणामी जागतिक पातळीवर सोन्याच्या भावात तेजी निर्माण झाली असून जागतिक धातू वायदा बाजारमंच ‘कॉमेक्स’वर सोन्याचा भाव प्रति औंस ४५ डॉलरने वाढून २,९३२ डॉलरच्या सार्वकालिक उच्चांकावर पोहोचला. चांदीचा भाव प्रति औंस एका टक्क्याने वधारून ३२.७६ डॉलरवर गेला. याचा परिणाम देशांतर्गत सराफ बाजारांतही झाला. दिल्लीतील बाजारपेठेत चांदीचा भाव प्रति किलोमागे १ हजार रुपयांनी वाढून ९७ हजार ५०० रुपयांवर गेला. मुंबईच्या घाऊक बाजारातील या मौल्यवान धातूंचे सोमवारचे भाव हे अनुक्रमे ८५ हजार ६६५ रुपये आणि ९५ हजार ५३३ रुपये होते.

अमेरिकेचे अध्यक्ष डोनाल्ड ट्रम्प यांनी आयातीवर आणखी अतिरिक्त शुल्क आकारण्याची धमकी दिली आहे. यामुळे जागतिक पातळीवर अनिश्चितता निर्माण होऊन गुंतवणूकदारांनी सुरक्षितता म्हणून सोन्याचा आश्रय घेतला आहे.

जतीन त्रिवेदी, संशोधन विश्लेषक, एलकेपी सिक्युरिटीज