पोलीस दलातील उल्लेखनीय सेवेबद्दल मुंबई पोलीस दलातील ९२ पोलीस अधिकारी आणि कर्मचाऱ्यांना गुरुवारी राष्ट्रपती पदक देऊन सन्मानित करण्यात आले. राजभवनात झालेल्या एका शानदार सोहळ्यात राज्यपाल के. शंकरनारायणन यांच्या हस्ते राष्ट्रपती पोलीस पदक तसेच गुणवत्तापूर्ण सेवा पदक प्रदान करण्यात आले. यावेळी मुख्यमंत्री पृथ्वीराज चव्हाण, उपमुख्यमंत्री अजित पवार, गृहमंत्री आर. आर. पाटील, पोलीस महासंचालक संजीव दयाळ यांच्यासह वरिष्ठ पोलीस अधिकारी उपस्थित होते.
पदक विजेत्यांमध्ये नागपूरचे पोलीस आयुक्त कौशलकुमार पाठक, मुंबई रेल्वेचे अतिरिक्त पोलीस महासंचालक भगवंत मोरे, पुणे गुन्हे अन्वेषण विभागाचे अतिरिक्त पोलीस महासंचलाक अशोक धिवरे आदींचा समावेश होता.
याशिवाय  ८६ पोलीस अधिकारी आणि कर्मचारी यांना गुणवत्तापूर्ण सेवेसाठी पदके प्रदान करण्यात आली.