मुंबई: राज्यपाल रमेश बैस यांची मराठीतून शपथ

शपथविधीनंतर बैस यांनी सिद्धिविनायक आणि महालक्ष्मीचे दर्शन घेतले. संसदीय राजकारण, समाजकारण तसेच संघटन कार्याचा पाच दशकांचा अनुभव असलेल्या रमेश बैस यांनी सार्वजनिक जीवनात नगरसेवक पदापासून केंद्रीय राज्यमंत्री व राज्यपाल पदापर्यंत विविध जबाबदाऱ्या समर्थपणे पार पाडलेल्या आहेत.

बैस हे १९८९ मध्ये रायपूर येथून पहिल्यांदा लोकसभेवर निवडून गेले. १९९८ ते २००४ या काळात अटलबिहारी वाजपेयी सरकारमध्ये राज्यमंत्री म्हणून त्यांनी काम केले आहे. २०१९ मध्ये त्यांची राज्यपालपदी नियुक्ती झाली आणि त्यांनी त्रिपुरा आणि झारखंड या राज्यांचे राज्यपालपद भूषविले आहे.