वांद्रे येथील झोपडय़ांच्या बेकायदा मजल्यांवर हातोडा

नर्गिस दत्त नगरमध्ये पालिकेची कारवाई
मुंबईमधील झोपडपट्टय़ांमध्ये चारमजली झोपडय़ा उभ्या राहू लागल्या असून हे अनधिकृत मजले पालिकेला डोकेदुखी बनू लागले आहेत. मात्र पालिकेने मंगळवारी वांद्रे येथील नर्गिस दत्त नगरमधील झोपडय़ांवरील अनधिकृत दोन आणि तीन मजले जमीनदोस्त केले. पोलिसांच्या बंदोबस्तात पालिकेने ही कारवाई केली.
वांद्रे येथील के. सी. मार्ग येथील नर्गिस दत्त नगरमधील झोपडय़ांवर अनधिकृतपणे मजले चढविण्यात आल्याच्या अनेक तक्रारी पालिकेकडे आल्या होत्या. या तक्रारींची गंभीर दखल घेत पालिकेचे साहाय्यक आयुक्त शरद उघाडे यांच्या नेतृत्वाखाली शनिवारी १४ झोपडय़ांवरील दोन आणि तीन मजले तोडण्यात आले. दुय्यम अभियंता के. सी. दुरटकर, पदनिर्देशित अधिकारी प्रशांत तावडे यांच्यासह १५ पालिका कर्मचारी या कारवाईत सहभागी झाले होते. मंगळवारी दिवसभरात १४ झोपडय़ांवरील अनधिकृत दुसरा आणि तिसरा मजला तोडण्यात आला. आणखी काही झोपडय़ांवरील अनधिकृत मजले बुधवारी तोडण्यात येणार आहेत, अशी माहिती पालिका अधिकाऱ्यांनी दिली.

‘म्हाडा’च्या भूखंडावर ही झोपडपट्टी उभी राहिली असून येथे झोपडपट्टी पुनर्वसन योजनाही मंजूर करण्यात आली आहे. मात्र गेल्या काही दिवसांपासून काही झोपडपट्टीवासीयांनी झोपडय़ांवर मजले चढविण्याचा सपाटा लावला होता. स्थानिक आमदार आणि रहिवाशांकडून याबाबत पालिकेच्या विभाग कार्यालयात तक्रारी करण्यात येत होत्या.

आणखी वाचा

पिंपरी- चिंचवमधील वाल्मिक कराडच्या फ्लॅटचा लिलाव तूर्तास टळला; वाल्मिकचे दोन फ्लॅट असल्याचं झालं होतं उघड

…तर औषधाची गरजच नाही! वाचा निरोगी आयुष्य जगण्यासाठी…

वाल्मीक कराडची वाकडमधील सदनिका सील करणार; पिंपरी महापालिकेचा निर्णय; दीड लाख रुपयांची थकबाकी

अंधेरीतील झोपु योजनेत मृत व्यक्तींच्या नावे पात्रता! आणखी सहा झोपडीवासीयांची पात्रता रद्द

एकलव्य शाळेतील प्रकरणाच्या चौकशीसाठी समिती, विद्यार्थी आंदोलनाची दखल

मुंबई : व्ही. एन. देसाई रुग्णालयातील नूतनीकरणाच्या कामामुळे रुग्णांची गैरसोय

विठ्ठलवाडी रेल्वे स्थानकजवळील, झोपड्या रेल्वेकडून जमीनदोस्त

तीन पिढ्यांच्या वास्तव्यानंतर आदिवासी हक्काच्या घरापासून वंचित, पनवेलच्या विकास आराखड्यातील हरकतीवर सुनावणी