लोकसत्ता प्रतिनिधी
मुंबई: मुंबई महानगरपालिकेने शुक्रवारी सकाळपासून मालाडमधील मढ परिसरातील अनधिकृत स्टुडिओ पाडण्याची कारवाई सुरू केली. हरित लवादाकडे हे अनधिकृत स्टुडिओ पाडून टाकण्याचा निर्णय गुरुवारी दिला होता. त्यामुळे शुक्रवारी सुट्टीचा दिवस अतानाही मुंबई महानगरपालिकेने स्टुडिओवर कारवाई सुरू केली. येथील पाच स्टुडिओ जमीनदोस्त करण्यात येणार आहेत.
मढ, मार्वे, एरंगळ, भाटी येथे मोठ्या प्रमाणात अनधिकृतपणे बांधण्यात आलेल्या स्टुडिओवरून काही महिन्यांपूर्वी राजकीय वातावरण चांगलेच तापले होते. येथील ११ स्टुडिओ आणि २२ बंगल्यांबाबत तक्रार करण्यात आली होती. भाजपने या विषयावरून शिवसेनेला कोंडीत पकडले होते. गैरव्यवहार करून या स्टुडिओची उभारणी करण्यात आल्याचा आरोप भाजपने केला होता. माजी मंत्री आदित्य ठाकरे व अस्लम शेख यांच्या वरदहस्तामुळे टाळेबंदीच्या काळात हे स्टुडिओ उभारण्यात आल्याचा आरोप भाजपने केला होता. हा वाद पेटल्यानंतर सप्टेंबरच्या पहिल्या आठवड्यात मुंबई महानगरपालिका आयुक्त इक्बाल सिंह चहल यांनी या प्रकरणाच्या चौकशीचे आदेशही दिले होते.
आणखी वाचा- मुंबई: चित्रफीत वायरल करण्याची धमकी देऊन कलाकार तरूणीकडून २३ लाखांची खंडणी उकळली
मुंबई महानगरपालिकेने काही स्टुडिओवर कारवाई सुरू केली होती. मात्र काही स्टुडिओ व बंगल्यांच्या मालकांनी हरित लवादाकडे धाव घेतली होती. तसेच मुंबई महानगरपालिकेने कारवाई करू नये म्हणून न्यायालयातही धाव घेतली होती. या ठिकाणी तात्पुरते स्टुडिओ उभारण्यास परवानगी देण्यात आली होती. मात्र तेथे केलेल्या पक्क्या बांधकामांवर आक्षेप घेत लवादाने ती तोडण्याचे आदेश गुरुवारी दिले. त्यामुळे महानगरपालिकेच्या पथकाने ही कारवाई सुरू केली.
मढ येथील समुद्रकिनाऱ्यावर हे स्टुडिओ व बंगले उभारण्यात आले असून या ठिकाणी वेबसिरीज, चित्रपट, संगीत यांचे चित्रीकरण केले जाते. या स्टुडिओचे बांधकाम करण्यासाठी सीआरझेडची परवानगी घेणे आवश्यक होते. महानगरपालिकेने स्टुडिओला परवानगी दिली तेव्हा दर सहा महिन्यांनी सीआरझेडची परवानगी घेणे बंधनकारक केले होते. मात्र ती परवानगी घेण्यात आली नाही व पक्के बांधकाम करण्यात आले होते.
आणखी वाचा- मुंबई महानगरपालिकेच्या नाट्यगृहांची आरक्षण शुल्कातील सवलत रद्द
येथील ११ स्टुडिओ व २२ बंगल्याविरोधात तक्रार करण्यात आली होती. मात्र ११ पैकी चार स्टुडिओ आधीच पाडून टाकण्यात आले होते. उर्वरित सातपैकी पाच स्टुडिओ पाडण्यात येणार आहेत. आणखी दोन स्टुडिओ बंगले स्वरुपात असून त्यांच्याकडे परवानगी असल्याचे अधिकाऱ्यांचे म्हणणे आहे. तर २२ पैकी ३ बंगले पाडण्यात आले आहेत. १६ बंगल्यांकडे आवश्यक त्या परवानग्या आहेत. अन्य तीन बंगल्यावरील कारवाईला न्यायालयाने स्थगिती दिली आहे.
मुंबई: मुंबई महानगरपालिकेने शुक्रवारी सकाळपासून मालाडमधील मढ परिसरातील अनधिकृत स्टुडिओ पाडण्याची कारवाई सुरू केली. हरित लवादाकडे हे अनधिकृत स्टुडिओ पाडून टाकण्याचा निर्णय गुरुवारी दिला होता. त्यामुळे शुक्रवारी सुट्टीचा दिवस अतानाही मुंबई महानगरपालिकेने स्टुडिओवर कारवाई सुरू केली. येथील पाच स्टुडिओ जमीनदोस्त करण्यात येणार आहेत.
मढ, मार्वे, एरंगळ, भाटी येथे मोठ्या प्रमाणात अनधिकृतपणे बांधण्यात आलेल्या स्टुडिओवरून काही महिन्यांपूर्वी राजकीय वातावरण चांगलेच तापले होते. येथील ११ स्टुडिओ आणि २२ बंगल्यांबाबत तक्रार करण्यात आली होती. भाजपने या विषयावरून शिवसेनेला कोंडीत पकडले होते. गैरव्यवहार करून या स्टुडिओची उभारणी करण्यात आल्याचा आरोप भाजपने केला होता. माजी मंत्री आदित्य ठाकरे व अस्लम शेख यांच्या वरदहस्तामुळे टाळेबंदीच्या काळात हे स्टुडिओ उभारण्यात आल्याचा आरोप भाजपने केला होता. हा वाद पेटल्यानंतर सप्टेंबरच्या पहिल्या आठवड्यात मुंबई महानगरपालिका आयुक्त इक्बाल सिंह चहल यांनी या प्रकरणाच्या चौकशीचे आदेशही दिले होते.
आणखी वाचा- मुंबई: चित्रफीत वायरल करण्याची धमकी देऊन कलाकार तरूणीकडून २३ लाखांची खंडणी उकळली
मुंबई महानगरपालिकेने काही स्टुडिओवर कारवाई सुरू केली होती. मात्र काही स्टुडिओ व बंगल्यांच्या मालकांनी हरित लवादाकडे धाव घेतली होती. तसेच मुंबई महानगरपालिकेने कारवाई करू नये म्हणून न्यायालयातही धाव घेतली होती. या ठिकाणी तात्पुरते स्टुडिओ उभारण्यास परवानगी देण्यात आली होती. मात्र तेथे केलेल्या पक्क्या बांधकामांवर आक्षेप घेत लवादाने ती तोडण्याचे आदेश गुरुवारी दिले. त्यामुळे महानगरपालिकेच्या पथकाने ही कारवाई सुरू केली.
मढ येथील समुद्रकिनाऱ्यावर हे स्टुडिओ व बंगले उभारण्यात आले असून या ठिकाणी वेबसिरीज, चित्रपट, संगीत यांचे चित्रीकरण केले जाते. या स्टुडिओचे बांधकाम करण्यासाठी सीआरझेडची परवानगी घेणे आवश्यक होते. महानगरपालिकेने स्टुडिओला परवानगी दिली तेव्हा दर सहा महिन्यांनी सीआरझेडची परवानगी घेणे बंधनकारक केले होते. मात्र ती परवानगी घेण्यात आली नाही व पक्के बांधकाम करण्यात आले होते.
आणखी वाचा- मुंबई महानगरपालिकेच्या नाट्यगृहांची आरक्षण शुल्कातील सवलत रद्द
येथील ११ स्टुडिओ व २२ बंगल्याविरोधात तक्रार करण्यात आली होती. मात्र ११ पैकी चार स्टुडिओ आधीच पाडून टाकण्यात आले होते. उर्वरित सातपैकी पाच स्टुडिओ पाडण्यात येणार आहेत. आणखी दोन स्टुडिओ बंगले स्वरुपात असून त्यांच्याकडे परवानगी असल्याचे अधिकाऱ्यांचे म्हणणे आहे. तर २२ पैकी ३ बंगले पाडण्यात आले आहेत. १६ बंगल्यांकडे आवश्यक त्या परवानग्या आहेत. अन्य तीन बंगल्यावरील कारवाईला न्यायालयाने स्थगिती दिली आहे.
