हार्बर रेल्वेवरील वाहतूक ठप्प

हार्बर रेल्वेवर सकाळी पावणे दहाच्या सुमारास सीवूड्स – बेलापूर दरम्यान रुळाला तडे गेले. यामुळे मुंबईच्या दिशेने येणाऱ्या लोकल गाड्या खोळंबल्या. ऐन गर्दीच्या वेळी लोकल सेवा ठप्प झाल्याने या स्थानकांवर प्रवाशांची गर्दी वाढली. रेल्वेचे पथक घटनास्थळी पोहोचले असून दुरुस्तीचे काम सुरु आहे. दुरुस्ती कामात आणखी काही वेळ लागणार असल्याने प्रवाशांना अडचणींचा सामना करावा लागणार आहे.