शनिवारी मध्यरात्री मुंबईत मोठ्या प्रमाणावर पाऊस झाल्यानंतर शहराच्या अनेक भागांमध्ये पाणी साचल्याचं दिसून आलं. मुंबई शहर आणि उपनगरांमध्ये अनेक ठिकाणी पाणी तुंबल्यामुळे मुंबईकरांना दरवर्षीप्रमाणेच याही वर्षी मनस्ताप सहन करावा लागला. पावसाचं पाणी रेल्वे ट्रॅकवर साचल्यामुळे सकाळी बराच वेळ मध्य, पश्चिम आणि हार्बर अशा तिन्ही मार्गांवरची रेल्वे वाहतूक ठप्प झाली होती. त्यात रस्त्यांवर पाणी साचल्यामुळे बस वाहतूक देखील ठप्प झाली होती. रविवारचा सुट्टीचा दिवस असल्यामुळे रस्ते आणि रेल्वे वाहतूक ठप्प झाल्यानंतर देखील मुंबईकरांना काहीसा दिलासा होता. मात्र, तो दिलासा फार काळ टिकला नाही. मुंबईच्या बहुतेक भागामध्ये पाणीपुरवठा करणाऱ्या भांडुप जलशुद्धीकरण केंद्रामध्येच पाणी साचल्यामुळे ते बंद पडलं. त्यामुळे बाहेर बघितलं तर रस्त्यावर पाणीच पाणी, वर आकाशातूनही संततधार, पण घरातल्या नळाला मात्र टिपूस नाही, अशी अवस्था मुंबईच्या अनेक घरांमध्ये निर्माण झाली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
