गहुंजे स्डेडियममध्ये ‘होऊन जाऊ दे’

*‘वुई आर ऑन, होऊन जाऊ दे’ चित्रपटाच्या संकेतस्थळाचे अनावरण
* आयपीएल सामन्यादरम्यान आज होणार अनावरण
चित्रपटाच्या प्रसिद्धीसाठी चित्रपटाच्या नावाने संकेतस्थळ, फेसबुकवरील पेज वगैरे उपाय आता हिंदीतून मराठीतही आले आहेत. या संकेतस्थळाच्या अनावरणाचे कार्यक्रमही हिंदूीच्याच तोडीने मराठीत होऊ लागले आहेत. २६ एप्रिल रोजी प्रदर्शित होणाऱ्या ‘वुई आर ऑन, होऊन जाऊ दे’ या चित्रपटाच्या संकेतस्थळाचे अनावरणही अशाच एका दणकेबाज कार्यक्रमात होणार आहे. अमोल पालेकर व संध्या गोखले निर्मित व दिग्दर्शित या चित्रपटाच्या संकेतस्थळाचा अनावरण सोहळा थेट पुण्याच्या गहुंजे स्डेडियममध्ये गुरुवारी आयपीएलच्या सामन्यादरम्यान होणार असल्याची माहिती संध्या गोखले यांनी दिली.
या संकेतस्थळाचे अनावरण मोठय़ा प्रमाणावर करण्याची आमची इच्छा होती. त्यासाठी आम्ही आयपीएलचा मार्ग निवडला. या संकेतस्थळाचे अनावरण गुरुवारी पुणे वॉरियर्स विरुद्ध राजस्थान रॉयल्स यांच्यातील सामन्यादरम्यान गहुंजे स्टेडियमवर होणार आहे. http://www.weronthefilm.com  असे हे संकेतस्थळ असून ते शुक्रवारपासून सर्वाना पाहता येईल.
या संकेतस्थळावर चित्रपटाची माहिती, दिग्दर्शकाचे मनोगत, गाणी, चित्रपटाची झलक, छायाचित्रे उपलब्ध असतील.