जाणून घ्या अनंत अंबानीने १८ महिन्यांत १०८ किलो वजन कसं कमी केलं?

व्यायामाचे वेळापत्रक आणि आहार-
अनंत रोज ५ ते ६ तास व्यायाम करत असे. योगासनं झाल्यानंतर तो रोज तब्बल २१ किलोमीटर चालत असे. आहारावरही नियंत्रण ठेवले होते. साखर पूर्णपणे वगळली होती. आवश्यक त्या प्रमाणात स्निग्ध आणि प्रोटीनचा आहारात समावेश केला होता.

हृतिक रोशनच्या ट्रेनरकडून ट्रेनिंग-
बॉलीवूड अभिनेता हृतिक रोशन ट्रेनिंग घेत असलेल्या अमेरिकेच्या सुप्रसिद्ध क्रिस गेथिनच्या देखरेखीखाली अनंतचे ट्रेनिंग सुरू होते. त्याने गुजराजच्या जामनगर येथील रिलायन्सच्या रिफायनरीमध्ये ट्रेनिंग घेतली. या ट्रेनिंगमध्ये गेले १८ महिने त्याने कठोर परिश्रम घेतले.

व्यायामासोबत योगासनांवरही भर-
दररोज पाच ते सहा तास व्यायामासोबतच त्याने योगासनांना देखील तितकेच महत्त्व दिले होते. कारण, केवळ व्यायामाने वजन कमी होणे शक्य नव्हते. योगासनांमुळे केवळ वजन कमी करण्याची नाही तर संपूर्ण शरीर निरोगी राखण्यासाठी मदत होते. त्यामुळे अनंतने योगासने देखील शिकली.

निता अंबानी खूश-
अनंतच्या परिश्रमावर आणि यशावर आई निता अंबानी देखील खूश झाल्या. त्यांनी आपल्या मुलाने घेतलेल्या परिश्रमांचे भरभरुन कौतुक केले. त्या म्हणाल्या, “अनंतचा निर्धार आणि इच्छाशक्ती ही इतरासांठी प्रेरणादायी आहे. अगदी माझ्यासाठीही.”