मुंबई : पत्नीच्या शस्त्रक्रियेसाठी पैसे नसल्यामुळे पतीची आत्महत्या

मृत चंद्रिकाप्रसाद निर्मल(५०) यांचा कपड्यांना इस्त्री करण्याचा व्यवसाय होता. ते जोगेश्वरीतील बेहराम बाग येथील रहिवासी होते, अशी माहिती पोलिसांनी दिली. त्यांची पत्नी गीतादेवी यांना गेले काही दिवसांपासून पोटदुखीचा आजार होता. त्यासाठी उपचार सुरू होते. वैद्यकीय तपासणीनंतर डॉक्टरांनी त्यांच्या पोटात खडा (स्टोन) असल्याचे सांगून शस्त्रक्रियेने तो काढण्याची आवश्यकता असलयाचे सांगितले होते. या शस्त्रक्रियेसाठी एक लाख रुपये खर्च येणार होता. पण चंद्रिकाप्रसाद यांच्याकडे शस्त्रक्रियेसाठी पुरेसे पैसे नव्हते. आर्थिक अडचणीमुळे ते गेल्याकाही दिवसांपासून मानसिक तणावाखाली होते. शुक्रवारी नेहमीप्रमाणे त्यांनी ग्राहकांच्या कपड्यांना इस्त्री केले व ते कपडे घेऊन ते निघाले होते. त्यावेळी अंधेरी पश्चिम येथील रेड रोड इमारतीच्या सातव्या मजल्यावरील गच्चीतून त्यांनी उडी मारून आत्महत्या केली.

आणखी वाचा

कर्जाला कंटाळून मनपा अधिकाऱ्याची आत्महत्या 

Nana Patole : निकालाआधी राजकीय घडामोडींना वेग; यातच…

पाळीव प्राण्यांच्या विरहाच्या भीतीने नैराश्य, तरुणाची गळफास घेऊन आत्महत्या

“लग्नसंस्था आता आपण समाजानेचं मोडीत काढल्यात…”, घटस्फोटाबाबत बोलताना विशाखा सुभेदारचं वक्तव्य, म्हणाली…

पत्नीची अनेकदा फसवणूक केली, अभिनेत्याचा स्वतःच्या विवाहबाह्य संबंधांबद्दल खुलासा; घटस्फोट घेतल्यावर सहा वर्षांनी पुन्हा तिच्याशीच केलं लग्न

पतीचा पत्नी, मेहुणी, सासऱ्यावर कुऱ्हाडीने हल्ला

पतीच्या छळामुळे दोन महिलांची आत्महत्या; कोंढवा, विमानतळ पोलिसांकडून गुन्हे दाखल

घटनेनंतर त्यांना तात्काळ कुपर रुग्णालयात दाखल करण्यात आले. तेथील डॉक्टरांनी त्यांना मृत घोषित केले. याबाबतची माहिती तेथील पोलिसांकडून स्थानिक अंबोली पोलिसांना देण्यात आली. त्यानुसार पोलिसांनी रुग्णालयात धाव घेतली. पत्नीच्या शस्त्रक्रियेसाठी पैसे नसल्यामुळे ते काही दिवसांपासून मानसिक तणावाखाली होते, असे त्यांच्या कुटुंबियांनी सांगितले. याबाबत अंबोली पोलिसांनी अपमृत्यूची नोंद केली असून अधिक तपास सुरू आहे.