श्रीकर परदेशी पंतप्रधान कार्यालयात उपसचिवपदी

पिंपरी-चिंचवडचे आयुक्त, नांदेडचे जिल्हाधिकारी किंवा नोंदणी महानिरीक्षक म्हणून आपल्या कामाची छाप पाडणारे तसेच प्रशासकीय वर्तुळात कार्यक्षम अधिकारी म्हणून ओळखले जाणारे डॉ. श्रीकर परदेशी यांची पंतप्रधान कार्यालयात उपसचिवपदी नियुक्ती झाली आहे. विशेष म्हणजे पंतप्रधान कार्यालयाने स्वत:हून डॉ. परदेशी यांची निवड केली आहे.
पंतप्रधान कार्यालयाने देशातील दहा तरुण अधिकाऱ्यांना मुलाखतीसाठी पाचारण केले होते व त्यातील चौघांची निवड केली आहे. त्यात डॉ. परदेशी यांचा समावेश आहे. महाराष्ट्रात त्यांनी केलेल्या कामाची दखल घेऊनच पंतप्रधान कार्यालयाने डॉ. परदेशी यांच्या नावाला पसंती दिली आहे. डॉ. परदेशी यांनी केंद्रात प्रतिनियुक्तीवर जाण्यासाठी अर्जही केला नव्हता. पंतप्रधान कार्यालयाने त्यांची निवड केल्याने पुढील आठवडय़ात ते नवी दिल्लीत जाणार आहेत. पिंपरी-चिंचवडच्या आयुक्तपदी असताना त्यांनी अनधिकृत बांधकामांच्या विरोधात कठोर भूमिका घेतली होती. तसेच सर्वसामान्य नागरिकांची कामे मार्गी लागण्यासाठी त्यांनी उपक्रम राबविला होता. नांदेड जिल्हाधिकारीपदी असताना कॉपीला आळा तसेच शाळांमधील पटपडताळणीचा कार्यक्रम राबविला होता. तो पुढे राज्यभर राबविण्यात आला. नोंदणी महानिरीक्षक म्हणून राज्यातील नोंदणी कार्यालयांमधील भ्रष्टाचार आणि दलालांना रोखण्यासाठी प्रयत्न केले होते. तसेच ऑनलाइन नोंदणीची योजना सुरू केली.

आणखी वाचा

पंतप्रधान मोदी देशभरातील मुख्य सचिवांशी साधणार दोन दिवस संवाद

Madhuri Dixit : डर चित्रपट माधुरी दीक्षितने का…

Ajit Pawar: अजित पवार दिल्लीतील नवे मराठा स्ट्राँगमॅन; खासदार सुनेत्रा पवार यांना शरद पवारांसमोरील बंगला मिळाल्यामुळे चर्चांना उधाण

“कोर्टात जा आणि तक्रार कर…”, नामांकित कोचिंग इन्स्टिट्यूटच्या चेअरमनने केली शिवीगाळ, मीटिंगमध्ये कर्मचाऱ्याला ओरडला अन्…, पाहा VIDEO

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

विधान परिषदेचे सभापतीपद कोणाकडे ?

मुख्यमंत्र्यांचे प्रशासनाला १०० दिवसांचे लक्ष्य

पोलीस पाटील पदावर काम केल्यामुळे वकिलाची सनद निलंबित