सीएसएमटी येथील ब्लॉकमुळे कोकण रेल्वेवर परिणाम

मुंबई : मध्य रेल्वेवरील छत्रपती शिवाजी महाराज टर्मिनस (सीएसएमटी) – मस्जिद स्थानकांदरम्यान कर्नाक उड्डाणपुलाच्या पुनर्बांधणीचे काम सुरू आहे. या कामानिमित्त सीएसएमटी – भायखळादरम्यान रविवारी रात्रकालीन ब्लाॅक घेण्यात येणार आहे. परिणामी, ब्लॉक काळात कोकण रेल्वेच्या रेल्वेगाड्या दादरपर्यंत चालवण्यात येणार आहेत.

या बातमीसह सर्व प्रीमियम कंटेंट वाचण्यासाठी साइन-इन करा

Skip

या बातमीसह सर्व प्रीमियम कंटेंट वाचण्यासाठी साइन-इन करा

मध्य रेल्वेच्या सीएसएमटी – मशीद स्थानकांदरम्यान दीडशेहून अधिक वर्ष जुना कर्नाक उड्डाणपुलाचे सप्टेंबर २०२२ मध्ये पाडकाम करण्यास सुरुवात केली. पाडकाम पूर्ण झाल्यानंतर या पुलाच्या पुनर्बांधणीचे काम सुरू झाले. गेल्या काही कालावधीत विशेष रेल्वे वाहतूक ब्लाॅक घेऊन तुळया उभारण्याचे काम हाती घेण्यात आले आहे. रविवारी रात्रकालीन ब्लाॅक घेतल्याने अनेक लोकलसह लांबपल्ल्याच्या रेल्वेगाड्यांच्या वेळापत्रकावर परिणाम होणार आहे. गाडी क्रमांक १२०५२ मडगाव – सीएसएमटी जनशताब्दी एक्स्प्रेस दादरपर्यंत चालवून अंशत: रद्द करण्यात येणार आहे. गाडी क्रमांक २०११२ मडगाव – सीएसएमटी कोकणकन्या एक्स्प्रेस पनवेलपर्यंत चालवून अंशतः रद्द करण्यात येणार आहे. गाडी क्रमांक २२१२० मडगाव – सीएसएमटी तेजस एक्स्प्रेस दादरपर्यंत चालवून अंशत: रद्द करण्यात येणार आहे. तर, गाडी क्रमांक १२०५१ सीएसएमटी – मडगाव जनशताब्दी एक्स्प्रेस दादर येथून सुरू होईल. तसेच गाडी क्रमांक १०१०३ सीएसएमटी -मडगाव मांडवी एक्स्प्रेसचा प्रवास पनवेलवरून सुरू होईल, अशी माहिती कोकण रेल्वेकडून देण्यात आली.

आणखी वाचा