मुंबईतील ११ हजार घरांची एप्रिलमध्ये विक्री, मार्चच्या तुलनेत घर विक्रीत घट

मुंबई : एप्रिलमध्ये मुंबईतील ११ हजार १६० घरांची विक्री झाली. या घरविक्रीतून राज्य सरकारला मुद्रांक शुल्काच्या माध्यमातून १०११ कोटी रुपये महसूल मिळाला. मार्चच्या तुलनेत एप्रिलमध्ये मुंबईतील घरविक्रीत घट झाली आहे. मार्चमध्ये १४ हजार १५४ घरांची विक्री झाली होती आणि यातून ११२२ कोटी रुपये महसूल मिळाला होता.

आणखी वाचा

मुंबई : वरळीतील महिलांचा शौचालयासाठी आंदोलनाचा इशारा; सागरी किनारा बांधून होतो, पण शौचालयाला मुहूर्त नाही

दोन कोटींनी वाढली बाह्यरुग्ण विभागातील रुग्णांची संख्या

मुंबई : शस्त्रांचा धाक दाखवून १० लाख रुपये लूटले

पालकमंत्रीपदासाठी ओढाताण; जिल्ह्या-जिल्ह्यांत महायुतीतील तिन्ही पक्षांची दावेदारी

राणीच्या बागेतील हत्तींचा अधिवास पोरका

वाहनाचा धक्का लागल्याच्या कारणावरून तरुणाची हत्या

भाजपमध्ये प्रस्थापितांना धक्का; अन्य पक्षांमधून आलेल्यांना महत्त्वाची खाती, वरिष्ठ नेत्यांना सूचक इशारा

उद्धव- राज ठाकरे एकत्र येण्याच्या चर्चेला उधाण; कौटुंबिक कार्यक्रमात भेट

मुंबईत महिनाअखेरीपर्यंत गारठा कायम राहणार

मार्चमध्ये संपुष्टात आलेले आर्थिक वर्ष आणि १ एप्रिलपासून लागू झालेले रेडीरेकनरचे नवीन दर यामुळे दरवर्षी मार्चमध्ये घरविक्रीत वाढ होते. त्यानुसार मार्च २०२४ मध्ये १४ हजार १५४ घरांची विक्री झाली होती. मार्च २०२१ मध्ये १७ हजार ७२८ घरे विकली गेली होती. तर मार्च २०२२ मध्ये १६ हजार ७२६ घरांची विक्री झाली होती आणि यातून ११६० कोटी रुपये महसूल मिळाला होता.

आणखी वाचा-मुंबई : ‘मेट्रो वन’कडे ४६१ कोटींचा थकीत मालमत्ता कर

२०२२, २०२१ च्या तुलनेत २०२४ मध्ये घरांच्या विक्रीत काहीशी घट झाली आहे. मात्र असे असले तरी २०२४ मधील ही आतापर्यंतची सर्वाधिक घरविक्री आहे. जानेवारीत १० हजार ९९७, तर फेब्रुवारीत १२ हजार ५५ घरे विकली गेली होती. मार्चमध्ये मात्र यात वाढ होऊन घरविक्रीच्या संख्येने १४ हजारांचा पल्ला पार केला. पण आता एप्रिलमध्ये यात काहीशी घट झाली असून एप्रिलमध्ये ११ हजार ६० घरांची विक्री झाली आहे.