मुंबई : मुंबई महापालिकेच्या परळ येथील केईएम रुग्णालयातील ह्रदयविकार विभागात वर्षानुवर्षे ह्रदयविकारावर नाविन्यपूर्ण उपचार केले जातात. केईएमच्या शताब्दी वर्षानिमित्तानेही अनेक उपक्रम ह्रदयविकार विभागात राबविण्यात आले असून दोनच दिवसांपूर्वी बारामतीच्या ७१ वर्षांच्या रखमा आजीवर अत्यंत जटील ह्रदयशस्त्रक्रिया यशस्वीपणे करण्यात आली. महत्त्वाची गोष्ट म्हणजे पुण्यातील रुग्णालयात दहा वर्षांपूर्वी या आजींचा व्हॉल्व्ह रिप्लेसमेंट करण्यात आला होता. त्यानंतरही ह्रदयविकाराचा त्रास होत असल्यामुळे पुण्यातील रुग्णालयात दाखल करण्यात आले. तेथे ओपनहार्ट शस्त्रक्रियेचा पर्याय देण्यात आला. मात्र यात मोठा धोका असल्यामुळे त्यांनी थेट मुंबईतील केईएम रुग्णालय गाठले. येथे हृदयविकार विभागाचे प्रमुख डॉ. अजय महाजन यांच्या नेतृत्त्वाखाली एक नवीन प्रक्रिया (ट्रान्स कॅथेटर मायट्रल व्हॉल्व्ह) करण्यात आली. आज रखमा आज्जीची प्रकृती उत्तम आहे. एक-दोन दिवसांत त्या आपल्या घरी जातील, असे डॉक्टरांनी सांगितले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
