गणेशोत्सवात चंद्रयान, शिवराज्याभिषेक सोहळा आणि राम मंदिराच्या प्रतिकृती

छत्रपती शिवाजी महाराजांच्या ३५० व्या शिवराज्याभिषेक सोहळ्याचे औचित्य साधून ‘लालबागचा राजा’ सार्वजनिक गणेशोत्सव मंडळाने यंदा दिवंगत कलादिग्दर्शक नितीन देसाई यांच्या संकल्पनेतून छत्रपती शिवाजी महाराजांच्या राज्याभिषेकाचा देखावा साकारला आहे. हे मंडळ यंदा ९० वे वर्ष साजरे करीत आहे. गणेशगल्लीतील लालबाग सार्वजनिक उत्सव मंडळाने यंदा स्वराज्याची राजधानी किल्ले रायगडची प्रतिकृती साकारलेली आहे. गिरणगावातील जुन्या मंडळांपैकी एक असलेल्या चिंचपोकळी सार्वजनिक उत्सव मंडळाची गणेशमूर्ती यंदा ‘श्रीराम रूपी’ अवतारात आहे.

आणखी वाचा

दाम्पत्याला भाट्ये समुद्रात खेळणे पडले महागात; स्थानिक मच्छीमारांनी वाचविले प्राण

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

‘या’ उत्सवात दिला जातो हजारो जनावरांचा बळी; काय आहे गढीमाई उत्सव? याला जगातील सर्वांत रक्तरंजित उत्सव का म्हटले जाते?

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

‘उर्मिलायन’ महाकाव्यातून उलगडणार रामायणातील लक्ष्मणच्या पत्नीचं कथाख्यान, ‘या’ दिवशी होणार शुभारंभाचा प्रयोग

विमा योजनेत जाचक अटी घालून कोकणातील आंबा – काजू बागायतदारांवर अन्याय

अलोट उत्साहात प्रतापगड येथे शिवप्रताप दिन साजरा; छत्रपतींच्या अश्वारूढ पुतळ्यावर हेलिकॉप्टरमधून पुष्पवर्षाव

धाराशिव : तुळजाभवानी देवीच्या शाकंभरी नवरात्र महोत्सवास ७ जानेवारीपासून प्रारंभ

हेही वाचा : वाघाचे कातडे विकणाऱ्या महाबळेश्वरच्या तिघांना मुंबईत अटक

‘चिंचपोकळीचा चिंतामणी’ या नावाने हा गणपती ओळखला जात असून हे मंडळ यंदा शतकोत्तर चतुर्थ वर्ष साजरे करीत आहे. त्याचबरोबर पर्यावरणपूरक वस्तूंनी तयार करण्यात आलेला लालबागमधील ‘राजा तेजुकायाचा’ही यंदा ‘श्रीराम रूपी’ अवतारात आहे. गिरगावातील खेतवाडी ११ वी गल्ली सार्वजनिक गणेशोत्सव मंडळाची गणेशमूर्ती तब्बल ४५ फुटांची आहे. ‘चंद्रयान – ३’ मोहिमेचे देखावेही अनेक मंडळांनी साकारले आहेत. सार्वजनिक गणेशोत्सव मंडळांप्रमाणे घरगुती गणेशोत्सवावरही या ऐतिहासिक घटनांची छाप पडलेली पाहायला मिळत आहे. घरगुती गणेशमूर्तीही रामाच्या रुपात दिसत आहेत.

हेही वाचा : पुण्याची पोटनिवडणूक टाळण्यासाठी नियमालाच बगल

३६०.४० कोटींचे विमा संरक्षण

मुंबईतील सगळ्यात श्रीमंत गणपतींपैकी एक म्हणून किंग्स सर्कल येथील गौड सारस्वत ब्राह्मण म्हणजेच ‘जीएसबी’ सेवा मंडळाचा गणपती ओळखला जातो. यंदा गणेशमूर्ती ६६.५ किलोग्रॅम सोन्याचे दागिने आणि २९५ किलोग्रॅम चांदी तसेच इतर मौल्यवान वस्तूंनी सजलेली असेल. मंडळाने यंदाच्या वर्षी तब्बल ३६० कोटी ४० लाखांचा विमा काढला आहे. सुरक्षा व्यवस्थापनाचा भाग म्हणून मंडपात जागोजागी सीसीटीव्ही कॅमेरे आणि प्रथम दर्शनी चेहरा कैद करणारे कॅमेरे बसविण्यात आले आहेत. त्याचबरोबर भाविकांसाठी पूजा आणि इतर सेवांसाठी मंडळाकडून ‘क्यू आर कोड’ स्कॅनिंगची व डिजिटल लाईव्ह यंत्रणा सुविधा सुद्धा उपलब्ध करण्यात आली आहे, असे मंडळाकडून सांगण्यात आले.