मुंबई: गोवंडी शताब्दी रुग्णालय ऑक्टोबरपर्यंत सज्ज होणार, रुग्णांना मिळणार अत्याधुनिक आरोग्य सुविधा

चेंबूर, गोवंडी, बैंगनवाडी मानखुर्द, शिवाजी नगर परिसरातील नागरिकांच्या उपचारासाठी गोवंडीतील शताब्दी रुग्णालय हे महत्त्वाचे रुग्णालय समजले जाते. या रुग्णालयात अद्ययावत व अत्याधुनिक सोयी – सुविधांचा अभाव असल्याने या नागरिकांना केईएम, शीव, नायर, राजावाडी व जे.जे. रुग्णालयात जावे लागते. मुंबईतील सर्वच उपनगरीय रुग्णालयांमध्ये अद्ययावत आरोग्य सुविधांचा अभाव लक्षात घेता महानगरपालिकेने रुग्णालयांचा पुनर्विकास करण्याचा निर्णय घेतला आहे. त्यानुसार राजावाडी, कांदिवली शताब्दी, भगवती, गोवंडी शताब्दी व अन्य रुग्णालयांचा पुनर्विकास प्रकल्प हाती घेतला आहे. यामध्ये अद्ययावत वैद्यकीय सेवा-सुविधांबरोबरच खाटांच्या संख्येतही वाढ करण्यात येणार आहे. या रुग्णालयात २१० खाटा आहेत. मात्र पुनर्विकासादरम्यान येथे ८६२ खाटांचे अतिविशेषोपचार रुग्णालय सुरू करण्याचा निर्णय महानगरपालिकेने घेतला आहे. रुग्णालयाच्या पुनर्विकासासाठी तब्बल ३५६ कोटी रुपये खर्च करण्यात येणार आहे. रुग्णालयाचे काम जून २०२४ मध्ये पूर्ण झाल्यानंतर वैद्यकीय उपकरणे बसवण्यात येणार आहेत. रुग्णालयात मॉड्यूलर शस्त्रक्रियागृहासह अद्ययावत प्रयोगशाळा, एक्स-रे, सोनोग्राफी आदी उपकरणे व तज्ज्ञ डॉक्टर कार्यरत राहणार असल्याचे पालिकेच्या आरोग्य विभागाकडून सांगण्यात आले.

आणखी वाचा

धारावी प्रकल्प रद्द करणार! काँग्रेसचा ‘मुंबईनामा’ जाहीर

महायुतीला सत्ता मिळाली, लाडक्या बहिणींना २१०० रुपये कधीपासून…

आरे रुग्णालय रुग्णशय्येवर डॉक्टर, अन्य कर्मचाऱ्यांची अनुपस्थिती; आदिवासी रुग्णांची उपचारांसाठी पायपीट

उलटा चष्मा : तपासण्यांची उड्डाणे

डॉक्टरांच्या आंदोलनानंतर व्ही. एन. देसाई रुग्णालयाच्या सुरक्षा रक्षकांमध्ये वाढ, मुंबई महानगरपालिका आयुक्तांसोबतच्या चर्चेनंतर निघाला तोडगा

Greater Noida : डोळ्यावर शस्त्रक्रिया न करताच हॉस्पिटलने ४५ हजार उकळले; दुसऱ्या डॉक्टरनी तपासल्यानंतर झालं उघड

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

हेही वाचा : मुंबई: तोतया तिकीट तपासनीसाला अटक

गोवंडी शताब्दी रुग्णालयाचाही पुनर्विकास करण्याचा निर्णय २००७ मध्ये महानगरपालिकेने घेतला. मात्र प्रत्यक्षात कामाला २०१९ मध्ये सुरुवात झाली. रुग्णालय डिसेंबर २०२२ मध्ये सुरू होणे अपेक्षित होते. तब्बल दोन वर्षे काम रखडल्यानंतर आता ते पूर्ण होत असून, ऑक्टोबर २०२४ मध्ये हे रुग्णालय रुग्णसेवेसाठी सज्ज होईल, अशी माहिती आरोग्य विभागातील अधिकाऱ्यांनी दिली.