माहीम मध्ये कोणाविरुद्ध कोण? अनिश्चित्ता!

शिवसेना भवन, शिवाजी पार्क मैदान आणि परिसर, राज ठाकरे यांचे निवासस्थान अशा महत्त्वाच्या ठिकाणांचा समावेश असलेला माहीम मतदार संघ सध्या उमेदवारांच्या नावांमुळे चर्चेत आहे. शिवसेनेचा बालेकिल्ला असलेल्या या मतदारसंघासाठी मनसे, शिवसेना (ठाकरे) आणि शिवसेना (शिंदे) या तीन पक्षात प्रमुख चुरस होण्याची शक्यता आहे. शिवसेनेचे दोन गट पडल्यानंतर विद्यमान आमदार सदा सरवणकर हे मुख्यमंत्री एकनाथ शिंदे यांच्या पक्षात गेले. त्यामुळे यावेळी पुन्हा एकदा सरवणकर यांनाच संधी मिळणार अशी चर्चा असतानाच त्यांचा मुलगा माजी नगरसेवक समाधान सरवणकर यांना ही निवडणूक लढवण्याची इच्छा असल्याचे समजते. सदा सरवणकर यांची मुलगी देखील निवडणूक लढवण्यास इच्छुक आहे. त्यामुळे सरवणकर कुटुंबाकडून कोणाचे नाव पुढे येते याबाबतच आधी उत्सुकता आहे.

आणखी वाचा

उल्हासनगरच्या आखाड्यात यंदा मोठा संघर्ष

२१ ऑक्टोबर पंचांग: मेष, सिंहसह ‘या’ राशींची इच्छापूर्ती…

विश्लेषण: याह्या सिनवारच्या हत्येनंतर गाझामध्ये युद्धविरामाची शक्यता किती? इस्रायलसाठी मोठा विजय?

मीरा भाईंदर या भाजपच्या बालेकिल्यावर शिवसेनेचा दावा

बहुचर्चित गायवाटप घोटाळ्यातील दोषी अधिकाऱ्यावर कारवाई नाहीच; लाभार्थी, कर्मचाऱ्यांचे पुन्हा जबाब…

उद्धव ठाकरेंपुढे तिसऱ्या आघाडीचं नव्हे, ‘स्ट्राइक रेट’चं आव्हान…

हमास-इस्रायल संघर्ष वर्षभरातच संभाव्य इस्रायल-इराण लढाईपर्यंत कसा पोहोचला? पश्चिम आशियात व्यापक युद्धभडक्याची शक्यता?

“आता मी एकालाही जिवंत सोडणार नाही”, बंदूक हातात येताच अक्षय शिंदे याने पोलिसांवर झाडल्या गोळ्या, हत्येच्या प्रयत्नाचा गुन्हा दाखल

हेही वाचा…ग्राहक आणि विकासक यांच्यातील ‘ सलोखा ‘ वाढला, महारेराच्या सलोखा मंचाकडून १७४९ तक्रारींचे निराकरण ५५३ तक्रारींवर सुनावणी सुरू

हा मतदारसंघ शिवसेनेचा असल्यामुळे महाविकास आघाडीतही हा मतदारसंघ ठाकरे यांच्या वाट्याला येणार हे निश्चि्त आहे. ठाकरे गटाकडूनही सध्या दोन प्रमुख नावे चर्चेत आहेत. माजी आमदार, माजी महापौर आणि शिवसेनेशी एकनिष्ठ असलेल्या विशाखा राऊत यांचे नाव त्यात आघाडीवर आहे. तर दुसरीकडे शिवसेनेच तरूण कार्यकर्ते आणि एकेकाळी सदा सरवणकर यांचे खंदे समर्थक असलेले महेश सावंत यांचेही नाव चर्चेत आहे. सावंत हे तरूण असून सरवणकर यांच्याशी ते दोन हात करू शकतात असे सामान्य शिवसैनिकांचे म्हणणे आहे. शिवसैनिकांचा सावंत यांना पाठिंबा असला तरी मातोश्रावरून राऊत यांच्यासारख्या ज्येष्ठ आणि एकनिष्ठ उमेदवाराला पहिली पसंती असल्याचे समजते. महेश सावंत यांनी काही वर्षांपूर्वी सरवणकर यांच्यासोबत कॉंग्रेसमध्ये प्रवेश केला होता. त्यामुळे गद्दारांच्या या लढाईत सावंत कशाला उमेदवारी असाही प्रश्न जुने शिवसैनिक विचारत आहेत. मात्र कौटुंबिक कारणांमुळे विशाखा राऊत ही निवडणूक लढवण्यास इच्छुक नसल्याचेही समजते. ठाकरे यांच्याकडून अद्याप याबाबत निर्णय घेण्यात आलेला नाही.

एका बाजूला महाराष्ट्र नवनिर्माण सेनेकडून माजी आमदार नितीन सरदेसाई हे या मतदारसंघातून निवडणूक लढवणार असल्याची चर्चा असतानाच मध्येच गेल्या काही दिवसांपासून माहीम मतदार संघासाठी राज ठाकरे यांचे पुत्र अमित ठाकरे यांच्या नावाची चर्चा सुरू झाली आहे. ठाकरे यांच्या नावामुळे या मतदार संघातील उमेदवारीचे गणितच बदलणार आहे.

हेही वाचा…दोन दिवसांत मुंबईतील १३ विमानांत बॉम्ब ठेवल्याची धमकी, तपासणीत सर्व धमक्या खोट्या असल्याचे निष्पन्न

अमित ठाकरे यांच्यासाठी शिवसेनेचे दोन्ही पक्ष त्याग करणार?

अमित ठाकरे माहीममधून उभे राहिल्यास शिवसेना (ठाकरे) पक्ष तिथे उमेदवार देणार का असे प्रश्न उपस्थित होऊ लागले आहेत. वरळीत आदित्य ठाकरे यांनी पहिल्यांदा निवडणूक लढवली होती तेव्हा मनसेने उमेदवार दिला नव्हता. त्यामुळे त्याची परतफेड होणार का याबाबत उत्सुकता आहे. तसे झाल्यास वरळीत यावेळीही आदित्य ठाकरे यांचा मार्ग सुकर होऊ शकतो. त्याचबरोबर मनसेला काही जागांवर पाठिंबा देण्याचीही तयारी शिवसेना (शिंदे) आणि भाजप महायुतीने दाखवली आहे. शिवडी, माहीम या मतदार संघांचा त्यात समावेश आहे.