मुंबई : रेल्वे मार्ग, सिग्नल प्रणाली आणि इतर उपकरांची देखभाल-दुरूस्ती करण्यासाठी पश्चिम रेल्वेवर शनिवारी रात्रकालीन आणि मध्य रेल्वेवर रविवारी दिवसकालीन ब्लॉक घेण्यात येणार आहे.
मध्य रेल्वे
मुख्य मार्ग
कुठे :ठाणे – दिवादरम्यान पाचव्या आणि सहाव्या मार्गावर
कधी : सकाळी १०.५० ते दुपारी ३.२० वाजेपर्यंत
हेही वाचा : मुंबई: ट्रॅक मेंटेनरचा लोकलच्या धडकेत मृत्यू
परिणाम : सकाळी ९.४६ सीएसएमटी – बदलापूर, सकाळी १०.२८ सीएसएमटी – अंबरनाथ, दुपारी २.४२ सीएसएमटी – आसनगाव, दुपारी ३.१७ कल्याण – सीएसएमटी दरम्यान जलद लोकल धीम्या मार्गावर वळविण्यात येणार आहेत. तसेच या लोकल नियोजित थांब्यासह कळवा, मुंब्रा, दिवा येथे थांबतील. सकाळी ९.५० वाजताची वसई रोड – दिवा मेमू कोपरपर्यंत चालवण्यात येईल. कोपर आणि दिवा स्थानकांदरम्यान लोकल रद्द करण्यात येणार आहेत. सकाळी ११.४५ वाजताची दिवा – वसई रोड मेमू कोपरवरून चालवण्यात येईल. दुपारी १२.५५ वाजता वसई रोड – दिवा मेमू कोपरपर्यंत चालवण्यात येईल. दुपारी २.४५ वाजता दिवा – वसई रोड मेमू कोपरवरून चालवण्यात येईल. रत्नागिरी – दिवा जलद पॅसेंजर पनवेल येथे स्थगित करण्यात येईल.
हार्बर मार्ग
कुठे : कुर्ला – वाशीदरम्यान अप आणि डाऊन मार्गावर
कधी : सकाळी ११.१० ते दुपारी ४.१० वाजेपर्यंत
परिणाम : ब्लॉक कालावधीत सीएसएमटी – पनवेल/बेलापूर अप आणि डाऊन लोकल रद्द करण्यात येणार आहेत. सीएसएमटी – कुर्ला, पनवेल – वाशीदरम्यान विशेष लोकल धावतील. ब्लॉक कालावधीत हार्बर मार्गावरील प्रवाशांना ठाणे-वाशी/नेरुळ स्थानकांदरम्यान सकाळी १० ते सायंकाळी ६ वाजेपर्यंत प्रवास करण्याची परवानगी असेल.
हेही वाचा : मुंबई: माटुंगा येथे रेल्वे रुळाला तडा, लोकलचे वेळापत्रक कोलमडले
पश्चिम रेल्वे
कुठे : मुंबई सेंट्रल – माहिमदरम्यान अप आणि डाऊन जलद मार्गावर
कधी : शनिवारी मध्यरात्री १२.१५ ते पहाटे ४.१५ वाजेपर्यंत
परिणाम : ब्लाॅक कालावधीत अप आणि डाऊन जलद मार्गावरील सर्व लोकल सांताक्रूझ – चर्चगेटदरम्यान धीम्या मार्गावर वळवण्यात येतील. तर, पश्चिम रेल्वेवर रविवारी दिवसकालीन कोणताही ब्लाॅक नसेल.
