मुंबई : विविध अभियांत्रिकी आणि देखभालीची कामे करण्यासाठी पश्चिम रेल्वेवर शनिवारी, तर मध्य रेल्वेवर रविवारी ब्लाॅक घेण्यात येणार आहे.
मध्य रेल्वे
मुख्य मार्ग
कुठे : माटुंगा – मुलुंड स्थानकांदरम्यान अप आणि डाऊन जलद मार्गावर
कधी : रविवारी सकाळी ११.०५ ते दुपारी ३.०५ पर्यंत
परिणाम : ब्लाॅक कालावधीत माटुंगा – मुलुंड स्थानकांदरम्यान अप आणि डाऊन जलद मार्गावरील लोकल धीम्या मार्गावर वळवण्यात येणार आहेत.
हेही वाचा : रेल्वे मार्गावर दररोज सरासरी तीन – चार आत्महत्या, आत्महत्या करण्यात पुरुषांचे प्रमाण अधिक
हार्बर मार्ग
कुठे : सीएसएमटी – चुनाभट्टी / वांद्रे स्थानकांदरम्यान अप आणि डाऊन मार्गावर
कधी : रविवारी सकाळी ११.१० ते दुपारी ४.४० वाजेपर्यंत
परिणाम : ब्लाॅक कालावधीत सीएसएमटी – वाशी / बेलापूर / पनवेल अप आणि डाऊन लोकल आणि सीएसएमटी – वांद्रे / गोरेगाव अप आणि डाऊन लोकल रद्द करण्यात येणार आहेत. कुर्ला-पनवेल दरम्यान ब्लॉक कालावधीत २० मिनिटांच्या वारंवारीतेने विशेष सेवा चालविण्यात येणार आहेत. हार्बर मार्गावरील प्रवाशांना ब्लॉक कालावधीत सकाळी १० ते सायंकाळी ६ दरम्यान मुख्य मार्ग आणि पश्चिम रेल्वे मार्गावरून प्रवास करण्यास परवानगी देण्यात आली आहे.
हेही वाचा : अल्पवयीन मुलींना देहविक्री करण्यास भाग पाडणाऱ्या तिघांना अटक
पश्चिम रेल्वे
कुठे : सांताक्रूझ – माहीम स्थानकांदरम्यान अप आणि डाऊन धीम्या मार्गावर
कधी : शनिवारी मध्यरात्री १ ते पहाटे ४.३० वाजेपर्यंत
परिणाम : ब्लाॅक कालावधीत मुंबई सेंट्रल – सांताक्रूझदरम्यान अप आणि डाऊन धीम्या मार्गावरील लोकल जलद मार्गावर वळवण्यात येतील. यामुळे लोअर परळ, माहीम आणि खार रोड स्थानकावर दोनदा थांबा देण्यात येईल. तर, फलाट नसल्याने महालक्ष्मी, प्रभादेवी, माटुंगा रोड येथे लोकल थांबणार नाही.
© The Indian Express (P) Ltd
