मुंबई : कार्यकर्त्यांचा दिवस धावपळीत; परिचित मतदारांशी संवाद, ज्येष्ठ नागरिकांना सहकार्य व खाण्यापिण्याची रेलचेल

विविध राजकीय पक्षांच्या मतदान माहिती कक्षांभोवती संबंधित इमारत व चाळींमधील रहिवासी घोळका करीत होते. मतदान केंद्र कुठे आहे? यादी क्रमांक कोणता? याबाबत कार्यकर्ते दिवसभर मतदारांना माहिती देत होते. या मतदान माहिती कक्षांवर दिवसभर खाण्यापिण्याची रेलचेल होती. राजकीय पक्षांच्या कार्यालयातून कार्यकर्त्यांसाठी सकाळी कांदेपोहे, उपमा, समोसे, चहा, कॉफी असा नाश्ता, दुपाररी पुलाव, शाकाहारी व मांसाहारी बिर्याणी व सायंकाळच्या सुमारास पुन्हा चहा – नाश्त्याची व्यवस्था करण्यात आली होती.

आणखी वाचा

निवडणुकीमुळे राज्यातील शाळांना तीन दिवस सुटी? शिक्षण विभागाच्या सूचना काय?

Nana Patole : निकालाआधी राजकीय घडामोडींना वेग; यातच…

मुंबईचे तापमान वाढण्याची शक्यता

थंडीचा कडाका वाढताच आजारांमध्ये वाढ! बदलत्या हवामानाचा परिणाम; आरोग्यतज्ज्ञांचा सल्ला जाणून घ्या…

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

पंतप्रधानांच्या दौऱ्यानिमित्त कडक पोलीस बंदोबस्त

हिंजवडी आयटी पार्कला जलप्रदूषणासाठी नोटीस; सामाईक सांडपाणी प्रक्रिया प्रकल्पावर प्रदूषण नियंत्रण मंडळाचा ठपका

हेही वाचा…मुंबई : मर्यादित वाहतूक सेवेमुळे मतदारांचे हाल

उन्हामुळे त्रस्त झालेल्या नागरिकांसाठी मतदान माहिती कक्षावर पिण्याच्या पाण्याची व्यवस्थाही कार्यकर्त्यांनी केली होती. तसेच कार्यकर्ते अनेक ज्येष्ठ मतदारांना खासगी वाहनाने मतदान केंद्रांपर्यंत नेऊन सोडत होते. तर काही कार्यकर्त्यांनी चाळी व इमारतींमधील रहिवाशांसाठी मतदान केंद्रावर पोहोचण्यासाठी टॅक्सी व रिक्षाचीही व्यवस्था केली होती.

सकाळच्या सुमारास मतदानास मिळालेल्या थंड प्रतिसादानंतर अनेक ठिकाणी दुपारी व सायंकाळी कार्यकर्त्यांची धावपळ पाहायला मिळाली. कार्यकर्ते घरोघरी जाऊन रहिवाशांना मतदान करण्यासाठी आवाहन करीत होते. आपल्या परिचयाचे मतदार मतदान करण्यासाठी घराबाहेर पडले आहेत की नाही? यावर कार्यकर्ते विशेष लक्ष ठेऊन होते. तसेच मतदारयादी तपासून आपल्या विभागातून स्थलांतरित झालेल्या रहिवाशांसोबत मोबाइलवरून कार्यकर्ते संपर्क साधत होते. त्यांना मतदानासाठी आवाहन करण्यात येत होते. आपल्या विभागातून एकूण किती मतदान झाले, याची पडताळणी सायंकाळी ५ वाजल्यानंतर मतदार यादी पाहून कार्यकर्ते करीत होते.

हेही वाचा….बीडीडीवासीय आणि वांद्रे वसाहतीतील रहिवाशांनी बजावला मतदानाचा हक्क

मुंबईतील सहाही लोकसभा मतदारसंघांमध्ये महायुती विरुध्द महाविकास आघाडी अशी लढत रंगत आहे. मुंबईतील दक्षिण, दक्षिण मध्य व उत्तर पश्चिम या लोकसभा मतदारसंघांमध्ये शिवसेनेचे दोन्ही गट परस्परांसमोर उभे ठाकले आहेत. त्यामुळे मशाल व धनुष्यबाण हे चिन्ह आपल्या परिचित मतदारांपर्यंत पोहोचवण्यासाठी कार्यकर्त्यांचे आटोकाट प्रयत्न सुरू होते.