मुंबई : अयोध्येतील राम मंदिरात आज श्रीरामाच्या मूर्तीची प्राणप्रतिष्ठा करण्यात येणार आहे. त्यानिमित्त्याने प्राणप्रतिष्ठापनेच्या पूर्वसंध्येपासून मुंबईतील रेल्वे स्थानकावर रोषणाई करण्यात आली आहे. मुंबईत दररोज हजारो देशासह परदेशातील पर्यटक येतात. मुंबईत सर्वाधिक आकर्षित करणारी वास्तू म्हणजे छत्रपती शिवाजी महाराज स्थानकातील पुरातन वारसा दर्जा प्राप्त वास्तू आहे. देशात ताजमहालनंतर या वास्तूची सर्वाधिक छायाचित्रे काढली जातात. लाखो प्रवाशांचा येथून प्रवास होतो. त्यामुळे प्रत्येक या वास्तूचे दर्शन होते. तसेच आकर्षक रोषणाई असल्याने, प्रवासी हमखास मोबाइलमध्ये या हेरिटेज वास्तूचे छायाचित्र काढतात. अयोध्येतील सोहळ्याच्या पूर्वसंध्येला, रविवारी सायंकाळपासून या वास्तूला भगव्या, पिवळ्या रंगाची विद्युत रोषणाई केली होती. रविवारी सुट्टीचा दिवस असल्याने, अनेक पर्यटकांची रेलचेल या परिसरात होती. विविध बाजूने या वास्तूचे छायाचित्रे टिपली जात होती. तसेच दादर, एलटीटी, ठाणे या टर्मिनसवर देखील रोषणाई केली होती. ही टर्मिनस देखील नयनरम्य दिसून येत होती.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
