मुंबई : पुण्यात ड्र्रीम इलेव्हनवर दीड कोटी रुपये जिंकणाऱ्या पोलिसावरील निलंबनाच्या कारवाईचे प्रकरण ताजे असताना मुंबईतही गणवेशात इन्स्टाग्रामवर रिल्स बनवणाऱ्या दोन रेल्वे पोलिसांवर निलंबनाची कारवाई करण्यात आली आहे. याशिवाय आणखी दोन रेल्वे पोलिसांवर निलंबनाची कारवाई करण्यात आली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

गणवेशात रिल्स बनवून समाज माध्यमांवर अपलोड केल्याप्रकरणी दोघांवर निलंबनाची कारवाई करण्यात आली आहे. त्यात एका महिला पोलिसाचा समावेश आहे. मध्य रेल्वेअंतर्गत पोलीस ठाण्यात कार्यरत महिला पोलीस व पश्चिम रेल्वेअंतर्गत पोलीस ठाण्यात कार्यरत एक पोलीस शिपाई यांनी नुकतीच गणवेशात चित्रफीत तयार करून ती समाज माध्यमांवर अपलोड केली होती. त्याबाबतची माहिती वरिष्ठ अधिकाऱ्यांना समजल्यानंतर त्यांनी उपायुक्त दर्जाच्या अधिकाऱ्यांना याप्रकरणी विभागीय चौकशी करण्याचे निर्देश दिले होते. त्यामुळे चौकशी सुरू असेपर्यंत या दोनही पोलिसांवर निलंबनाची कारवाई करण्यात आली आहे.

आणखी वाचा

हेही वाचा : Uddhav Thackeray Dasara Melava 2023 : मराठा आरक्षणात भाजपचा खोडा- उद्धव ठाकरे यांचा आरोप

वरिष्ठ अधिकाऱ्याने या वृत्ताला दुजोरा दिला आहे. गणवेशातील व्यक्तीने शिस्तीचे पालन करण्याची आवश्यकता आहे. शिस्तभंग केल्याप्रकरणी त्यांची चौकशी करण्यात येत असल्याचे अधिकाऱ्याने स्पष्ट केले. याशिवाय वसई रेल्वे पोलीस ठाण्यात दोन पोलिसांवर कोचिंक सेंटर चालवल्याप्रकरणी निलंबनाची कारवाई करण्यात आली आहे. सेवा नियमाचे उल्लंघन केल्याप्रकरणी या दोन्ही पोलिसांवर निलंबनाची कारवाई करण्यात आल्याचे वरिष्ठ अधिकाऱ्याने सांगितले. त्यात एका पोलीस अधिकाऱ्याचा समावेश आहे. असे गैरप्रकार सहन केले जाणार नाहीत. याबाबत योग्य संदेश देणे आवश्यक असल्यामुळे वरिष्ठांनी ही कारवाई केली.