मुंबई : छत्रपती शिवाजी महाराज यांच्याबद्दल वादग्रस्त विधान केल्यामुळे चहुबाजूंनी टीकेचा भडिमार सुरू झाल्यानंतर मंगळवारी एका कार्यक्रमात बोलताना राज्यपाल भगतसिंह कोश्यारी यांनी शिवाजी महाराजांच्या कार्याचा गौरव केला. पारतंत्र्यात आपली अनेक वर्षे गेल्यानंतर छत्रपती शिवाजी महाराज, महाराणा प्रताप आदी महापुरुषांच्या प्रयत्नामुळे भारत आज जगात स्वाभिमानाने उभा आहे, असे कोश्यारी म्हणाले. भारतीय संस्कृती व सभ्यतेचा प्रचार आणि प्रसार करण्यावरही त्यांनी भर दिला. मुंबईतील गिरगाव चौपाटी येथील भारतीय विद्याभवनच्या सभागृहात केंद्रीय संस्कृत विद्यापीठ, नवी दिल्ली, यांच्यातर्फे भारतीय बौद्धिक संपदा व सांस्कृतिक वारशाचे नवे आयाम या विषयावरील विकास यात्रा या एक दिवसीय चर्चासत्राचे आयोजन करण्यात आले होते. चर्चासत्राचे उद्घाटन राज्यपाल कोश्यारी यांच्या हस्ते करण्यात आले. या वेळी केंद्रीय संस्कृत विद्यापीठाचे कुलगुरू डॉ. श्रीनिवास वरखेडी, श्री करपात्री धाम वाराणसीचे पीठाधीश स्वामी अभिषेक ब्रह्मचारी, युवा चेतनाचे राष्ट्रीय संयोजक रोहित कुमार सिंह,  तसेच विद्यार्थी व प्रतिनिधी उपस्थित होते.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> राज्यपाल उद्या दिल्ली दौऱ्यावर; शिवरायांबाबतच्या वक्तव्याच्या पार्श्वभूमीवर वरिष्ठांच्या भेटीगाठींची शक्यता

आणखी वाचा

राज्यपाल पुढे म्हणाले की, आजकाल आपण केवळ रस्ते, शाळा, रुग्णालये, वीजपुरवठा याला विकास मानतो. परंतु भौतिक प्रगतीच्या पुढे जाऊन मन, बुद्धी व आत्म्याचा विकास होणे ही विकासाची परिभाषा आहे. पारतंत्र्यात आपली अनेक वर्षे गेल्यानंतर छत्रपती शिवाजी महाराज, राणा प्रताप आदी अनेक थोर महापुरुषांच्या प्रयत्नामुळे भारत आज पुन्हा एकदा जगात स्वाभिमानाने उभा आहे. जगातील लोकांना भारत जाणून घेण्याची जिज्ञासा निर्माण झाली आहे. या पार्श्वभूमीवर मातृभाषा, संस्कृती व संस्कार जपले पाहिजेत, असे राज्यपालांनी सांगितले.

हेही वाचा >>> राज्यपाल उद्या दिल्ली दौऱ्यावर; शिवरायांबाबतच्या वक्तव्याच्या पार्श्वभूमीवर वरिष्ठांच्या भेटीगाठींची शक्यता

आणखी वाचा

राज्यपाल पुढे म्हणाले की, आजकाल आपण केवळ रस्ते, शाळा, रुग्णालये, वीजपुरवठा याला विकास मानतो. परंतु भौतिक प्रगतीच्या पुढे जाऊन मन, बुद्धी व आत्म्याचा विकास होणे ही विकासाची परिभाषा आहे. पारतंत्र्यात आपली अनेक वर्षे गेल्यानंतर छत्रपती शिवाजी महाराज, राणा प्रताप आदी अनेक थोर महापुरुषांच्या प्रयत्नामुळे भारत आज पुन्हा एकदा जगात स्वाभिमानाने उभा आहे. जगातील लोकांना भारत जाणून घेण्याची जिज्ञासा निर्माण झाली आहे. या पार्श्वभूमीवर मातृभाषा, संस्कृती व संस्कार जपले पाहिजेत, असे राज्यपालांनी सांगितले.