नवी मुंबईत पावसाची संततधार सुरूच

नवी मुंबई : नवी मुंबई शहरात मागील काही दिवसांपासुन पावसाची संततधार सुरु आहे. आज रविवारीही शहरात पावसाची संततधार सुरु असल्यामुळे हवेत गारवा निर्माण झाला आहे.सततच्या पावसामुळे शहरातील मुख्य रस्त्यावर वाहतूक संथगतीने सुरु असून आज शहरात नेरुळ व बेलापूर विभागात जास्त पाऊस असून सतत पावसाची रिपरिप सुरु आहे . जून महिन्यापासून सुरु झालेल्या पावसात सर्वाधिक पाऊस नवी मुंबई शहरापेक्षा मोरबे धरण असलेल्या भागात आहे. त्यामुळे नवी मुंबईचा शहराला पाणीपुरवठा करणाऱ्या मोरबे धरण क्षेत्रात जास्त पाऊस झाला असल्याची माहिती पालिकेच्या आपत्कालीन विभागाने दिली आहे.