गोराई जेट्टी रस्त्यावरील अपघातांच्या संख्येत वाढ; रस्त्याचा गुळगुळीतपणा कमी करण्यासाठी मुंबई महानगरपालिकेची यंत्रणा घटनास्थळी

गेल्या काही दिवसांपासून कोकळणाऱ्या पावसामुळे गोराई जेट्टी टी जंक्शन या नव्या रस्त्यावर वाहने घसरत असल्याचे आढळून आले होते. वाहने घसरून रस्त्याच्या कडेला जाऊन आदळत होती. गेल्या आठवड्यात तीन वाहनांचा अपघात झाला होता.  याप्रकरणी गोराई गावातील रहिवाशांनी बैठक आयोजित करून मुंबई महानगरपालिकेकडे तक्रारही दाखल केली. दोन दिवसांपूर्वी मुंबई महानगरपालिकेची कचरा वाहून नेणारी गाडीही या रस्त्यावर घसरून अपघात झाला होता. त्यानंतर मुंबई महानगरपालिकेची यंत्रणा कामाला लागली असून मंगळवारी सकाळी ७  वाजताच या रस्त्यावर वाहनांची गती नियंत्रीत राहावी, वाहने घसरू नये यासाठी प्रतिबंधात्मक उपाययोजना करण्यात आली. यासाठी ‘झिरो पास माईलिंग’ यंत्र सकाळी ७ वाजताच येथे पोहोचेले असून या यंत्राच्या मदतीने रस्त्याच्या पृष्ठभागावरील गुळगुळीतपणा कमी करण्यात येत आहे. यामुळे सध्या वाहन घसरून होणारे अपघात टाळता येतील, असे मुंबई महानगरपालिकेच्या अधिकाऱ्यांनी सांगितले.