सेंद्रीय अन्न पदार्थांच्या निर्यातीत वाढ, जाणून घ्या, उत्पादनात महाराष्ट्र कुठे, कोणते राज्य आघाडीवर

केंद्रीय अन्न प्रक्रिया उद्योग मंत्रालयाने सेंद्रिय उत्पादनांच्या उत्पादनासाठी उद्योगांना कोणत्याही विशिष्ट प्रोत्साहनपर निधीची तरतूद केलेली नाही. मात्र, केंद्रीय वाणिज्य आणि उद्योग मंत्रालयाच्या अंतर्गत कार्यरत असलेल्या अपेडाकडून निर्यातदारांना निर्यात पायाभूत सुविधांचा विकास, गुणवत्ता विकासासाठी निधी दिला जातो. बाजारपेठ उपलब्ध करून दिली जाते. शिवाय अपेडाकडून राष्ट्रीय सेंद्रिय उत्पादन कार्यक्रम राबविण्यात येतो. या कार्यक्रमाअंतर्गत सेंद्रिय अन्न पदार्थांच्या उत्पादन आणि निर्यातीसाठी प्रोत्साहन दिले जाते. देशभरात सेंद्रिय खाद्य पदार्थ उत्पादन केंद्रांची संख्या १०१६ इतकी आहे.

हेही वाचा :दक्षिण कोकण, मध्य महाराष्ट्रात पाऊस पडणार ? जाणून घ्या, हवामान विभागाचा पावसाचा, थंडीचा अंदाज

सेंद्रीय उत्पादनात महाराष्ट्र तिसऱ्या क्रमांकावर

सेंद्रीय अन्न पदार्थांच्या उत्पादनात कर्नाटक आघाडीवर आहे. कर्नाटकात १२७ प्रक्रिया केंद्रे आहेत. त्या खालोखाल गुजरातमध्ये १२२ आणि महाराष्ट्रात ११३, तमिळनाडूत ८८ आणि पश्चिम बंगालमध्ये ८३ प्रक्रिया केंद्रे आहेत. देशातील ज्या राज्यातील बंदरावरून निर्यात झाली आहे, त्याच राज्यातून निर्यात झाली, असे समजले जाते. त्यामुळे राज्यनिहाय सेंद्रीय अन्न पदार्थांचे उत्पादन आणि निर्यातीची आकडेवारी मिळत नाही.