मुंबई : भारतात क्वचितच दिसणारा मालदीवचा सागरी पक्षी लेसर नॉडी रविवारी सीवूड्स एनआरआय परिसरात जखमी अवस्थेत आढळला होता. दरम्यान सोमवारी उपचारादरम्यान या पक्ष्याचा मृत्यू झाला. परिसरात अनेक स्थलांतरित पक्षी निवास करत असतानाही तेथे पशुवैद्यकीय रुग्णालय नसल्याने अनेक वन्य प्राणी आणि पक्षी मृत्यूमुखी पडत असल्याचे मत वन्यजीव संवर्धन क्षेत्रातील कार्यकर्त्यांनी व्यक्त केले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

नवी मुंबईतील नेरुळ येथील एनआरआय परिसरात लेसर नॉडी नावाचा पक्षी तेथील स्थानिक रहिवासी दीपक रामपाल यांना जखमी अवस्थेत आढळला. त्यांनी वन्यजीव कल्याण संघटनेशी (डब्ल्यूडब्ल्यूए) संपर्क साधला. संघटनेच्या कर्मचाऱ्यांनी पक्ष्याला ठाण्यातील वन्यजीव पुनर्वसन केंद्रात उपचारासाठी दाखल केले. सोमवारी उपचारादरम्यान या पक्ष्याचा मृत्यू झाला. बॉम्बे नॅचरल हिस्टरी सोसायटीने (बीएनएचएस) हा पक्षी संशोधनासाठी वनविभागाकडून ताब्यात घेण्याचा निर्णय घेतला आहे.

आणखी वाचा

हेही वाचा…७५ वर्षापासूनची बेस्ट उपक्रमाची सेवा ठप्प होण्याच्या मार्गावर, बेस्टचा स्वमालकीचा ताफा वाचवण्यासाठी ‘बेस्ट बचाओ’कडून पुढाकार

दरम्यान, नवी मुंबईत पशुवैद्यकीय रुग्णालय नसल्यामुळे या जखमी पक्षाला सुमारे ३० किमी दूर असलेल्या वन्यजीव पुनर्वसन केंद्रात न्यावे लागले. दुर्दैवाने पक्ष्याला वाचवता आले नाही, असे डब्ल्यूडब्ल्यूएचे बचावकर्ते सनप्रीत सावर्डेकर आणि मयूर दळवी यांनी सांगितले. नवी मुंबईत पशुवैद्यकीय रुग्णालय सुरू करण्याची गरज आहे असे मत पर्यावरणप्रेमींनी व्यक्त केले आहे. नवी मुंबईत फ्लेमिंगो आणि इतर अनेक पक्षी स्थलांतर करुन येतात. जुईनगर येथील पशुवैद्यकीय रूग्णालयाची बांधलेली इमारत तीन वर्षांपासून तयार असूनही कार्यान्वित नाही, यामुळे पक्ष्यांचे वाढते मृत्यू ही आता चिंतेची बाब बनली आहे असे पर्यावरणप्रेमी बी.एन.कुमार यांनी सांगितले. तसेच पशुवैद्यकीय रुग्णालय नवी मुंबईत नसल्यान पक्ष्यांव्यतिरिक्त, अनेक पाळीव प्राणी आणि भटके प्राणी आजारी पडतात, अपघातात जखमी होतात आणि ते वैद्यकीयदृष्ट्या दुर्लक्षित होतात ही एक दुःखद बाब आहे, असे प्राणी कार्यकर्ते ज्योती नाडकर्णी यांनी सांगितले.

नवी मुंबईतील नेरुळ येथील एनआरआय परिसरात लेसर नॉडी नावाचा पक्षी तेथील स्थानिक रहिवासी दीपक रामपाल यांना जखमी अवस्थेत आढळला. त्यांनी वन्यजीव कल्याण संघटनेशी (डब्ल्यूडब्ल्यूए) संपर्क साधला. संघटनेच्या कर्मचाऱ्यांनी पक्ष्याला ठाण्यातील वन्यजीव पुनर्वसन केंद्रात उपचारासाठी दाखल केले. सोमवारी उपचारादरम्यान या पक्ष्याचा मृत्यू झाला. बॉम्बे नॅचरल हिस्टरी सोसायटीने (बीएनएचएस) हा पक्षी संशोधनासाठी वनविभागाकडून ताब्यात घेण्याचा निर्णय घेतला आहे.

आणखी वाचा

हेही वाचा…७५ वर्षापासूनची बेस्ट उपक्रमाची सेवा ठप्प होण्याच्या मार्गावर, बेस्टचा स्वमालकीचा ताफा वाचवण्यासाठी ‘बेस्ट बचाओ’कडून पुढाकार

दरम्यान, नवी मुंबईत पशुवैद्यकीय रुग्णालय नसल्यामुळे या जखमी पक्षाला सुमारे ३० किमी दूर असलेल्या वन्यजीव पुनर्वसन केंद्रात न्यावे लागले. दुर्दैवाने पक्ष्याला वाचवता आले नाही, असे डब्ल्यूडब्ल्यूएचे बचावकर्ते सनप्रीत सावर्डेकर आणि मयूर दळवी यांनी सांगितले. नवी मुंबईत पशुवैद्यकीय रुग्णालय सुरू करण्याची गरज आहे असे मत पर्यावरणप्रेमींनी व्यक्त केले आहे. नवी मुंबईत फ्लेमिंगो आणि इतर अनेक पक्षी स्थलांतर करुन येतात. जुईनगर येथील पशुवैद्यकीय रूग्णालयाची बांधलेली इमारत तीन वर्षांपासून तयार असूनही कार्यान्वित नाही, यामुळे पक्ष्यांचे वाढते मृत्यू ही आता चिंतेची बाब बनली आहे असे पर्यावरणप्रेमी बी.एन.कुमार यांनी सांगितले. तसेच पशुवैद्यकीय रुग्णालय नवी मुंबईत नसल्यान पक्ष्यांव्यतिरिक्त, अनेक पाळीव प्राणी आणि भटके प्राणी आजारी पडतात, अपघातात जखमी होतात आणि ते वैद्यकीयदृष्ट्या दुर्लक्षित होतात ही एक दुःखद बाब आहे, असे प्राणी कार्यकर्ते ज्योती नाडकर्णी यांनी सांगितले.