INS Vagir पाणबुडी नौदलाच्या ताफ्यात दाखल, भारताचे समुद्रातले सामर्थ्य वाढले

माझगाव डॉकयार्डने केली बांधणी

मुंबईत माझगाव डॉकयार्ड कलवरी मार्गातील पाणबुड्यांची निर्मिती करत आहे. डॉकयार्ड बांधलेल्या कलवरी, खंदेरी, करंज आणि वेला अशा चार पाणबुड्या नौदलात दाखल झाल्या होत्या. आता यामध्ये INS Vagir च्या रुपाने पाचव्या पाणबुडीची भर पडली आहे. सहावी आणि कलवरी वर्गातील शेवटची पाणबुडी वगशीर INS Vagsheer पाणबुडीच्या समुद्रातील चाचण्या सुरु असून एप्रिल २०२४ मध्ये अखेरपर्यंत ती नौदलात दाखल होईल असा अंदाज आहे.

आणखी वाचा

उरण-करंजा मार्गाची दुरवस्था कायम

Nana Patole : निकालाआधी राजकीय घडामोडींना वेग; यातच…

रस्ता ओलांडताना रेल्वेची जबरदस्त धडक आणि वाघीण…

Dancing Mouse: ८१ वर्षांनंतर सापडले ‘डान्सिंग माऊस’ या दुसऱ्या महायुद्धातील युद्धनौकेचे अवशेष; इतिहास नेमकं काय सांगतो?

कोंढव्यात तिघांकडून चार पिस्तुले, दोन दुचाकी जप्त

नवी मुंबईच्या औद्योगिक पट्ट्यातीलही भूखंड खासगी विकासकाकडे!

मतदानाच्या जनजागृतीसाठी ‘हेरिटेज वॉक’, महापालिकेचा संस्थेच्या मदतीने अनोखा उपक्रम

हेही वाचा… Maharashtra News Live : कसबापेठ विधानसभा पोटनिवडणूक; भाजपा नेते चंद्रकांत पाटील यांच्या निवासस्थानी प्रमुख नेत्यांची बैठक

INS Vagir ची वैशिष्ट्ये काय?

या पाणबुडीची लांबी सुमारे ६७ मीटर असून उंची १२ मीटर एवढी आहे, एकुण वजन सुमारे १७०० टन एवढे आहे. कलवरी वर्गातील इतर पाणबुड्यांप्रमाणे ही पाणबुडीही डिझेल-इलेक्ट्रिक प्रणालीवर कार्यरत रहाते. एका दमात १२ हजार किलोमीटर अंतर पार करु शकते, समुद्रात जास्तीत जास्त ५० दिवस सलग संचार करण्याची या पाणबुडीची क्षमता आहे. पाण्याखालील लक्ष्याचा भेद करण्यासाठी पाणतीर (torpedo) तर पाण्यावरील किंवा जमिनीवरील लक्ष्याला भेदण्यासाठी क्षेपणास्त्र डागण्याची क्षमता या पाणबुडीत आहे. या पाणबुडीच्या बांधणीला नोव्हेंबर २०२० मध्ये सुरुवात झाली होती, डिसेंबर २०२२ ला तीचे जलावतरण झाले होते.

हेही वाचा… बाळासाहेबांच्या शेवटच्या भेटीची आठवण सांगणारा व्हिडीओ शेअर करत राज ठाकरेंची आदरांजली

नौदलाची ताकद वाढली

देशाच्या तिन्ही बाजूला अथांग समुद्र असून या भागातून मोठ्या प्रमाणात मालवाहतूक सुरु असते. तसंच एका बाजूला पाकिस्तान खास करुन दुसऱ्या बाजूला असलेल्या चीन नौदलाचा भारताजवळच्या समुद्रातील वावर गेल्या काही वर्षात मोठ्या प्रमाणात वाढला आहे. त्यामुळे भारताला Vagir सारख्या पाणबुड्यांची आवश्यकता आहे. Vagir च्या समावेशामुळे समुद्रात संचार आणि वर्चस्व ठेवण्याच्या नौदलाच्या क्षमतेत मोलाची भर पडली आहे.