“आम्ही त्या रात्री पाच वेळा प्रत्यक्ष मृत्यूचा सामना केला”, अजय बग्गांची पोस्ट व्हायरल; सांगितला १५ वर्षांपूर्वीचा ‘तो’ प्रसंग!

२६ नोव्हेंबर २००८ रोजी मुंबईतील महत्त्वाच्या ठिकाणांवर कसाबसह एकूण १० जणांनी मुंबईवर हल्ला चढवला होता. छत्रपती शिवाजी महाराज टर्मिनस, ओबेरॉय हॉटेल, ट्रायडेंट हॉटेल, ताज पॅलेस, लिओपोल्ट कॅफे, कामा हॉस्पिटल, नरिमन हाऊस, मेट्रो सिनेमा अशा अनेक ठिकाणी एकाच वेळी या दहशतवाद्यांनी हल्ला केला. तब्बल तीन दिवस मुंबईला या दहशतवाद्यांच्या तावडीतून सोडवण्यासाठी धुमश्चक्री चालली होती. अखेर तीन दिवसांनंतर कसाबला जिवंत पकडण्यात पोलिसांना यश आलं. इतर १० दहशतवाद्यांना पोलीस, एनएसजी कमांडोंनी कंठस्नान घातलं.

आणखी वाचा

मुंबई विद्यापीठाचे ढिसाळ नियोजन, तांत्रिक अडचणींची मालिका; परीक्षेला उशीर; ‘पेट’ परीक्षेत गोंधळ

बाणगंगा येथील पुरातन पायऱ्यांची पुन्हा दुर्दशा; कामाच्या दर्जावर…

प्रचारतोफा आज थंडावणार, निवडणूक आयोगाची ‘छुप्या प्रचारा’वर नजर

पूल, इमारती म्हणजे विकास नव्हे! सुप्रिया सुळे यांनी पक्षातील फुटिरांना फटकारले

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

Uddhav Thackeray: “मिंध्या तू मर्दाची…”, एकनाथ शिंदेंवर टीका करताना उद्धव ठाकरेंचं आक्षेपार्ह विधान; वाचा काय म्हणाले?

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

सूक्ष्म निरीक्षणातून मानवी भावभावनांचा वेध घेणारे लेखक म्हणजे जयवंत दळवी; ‘द मुंबई लिटरेचर लाईव्ह फेस्टिव्हल’मध्ये कलाकारांचे मत

वरळीमध्ये आदित्य ठाकरेंना अनोखे आव्हान देणाऱ्या खुर्च्या; शिवसेनेची (एकनाथ शिंदे) प्रचाराची अनोखी शक्कल

अजय बग्गांनी शेअर केली ती आठवण!

दरम्यान, या हल्ल्यादरम्यान ताज पॅलेसमध्ये अडकलेल्या असंख्य लोकांपैकी व्यावसायिक अजय बग्गा हेही एक आहेत. त्यांच्या पत्नीसमवेत ते २६ नोव्हेंबरच्या रात्री ताज हॉटेलमध्ये अडकले होते. त्या वेळचा सविस्तर अनुभव त्यांनी फोटोसहित शेअर केला आहे. “२६/११… त्या दिवशी आमच्या दोघांचा पुनर्जन्मच झाला. हा फोटो (पोस्टसह शेअर केलेला फोटो) मी व माझी पत्नी रजिता बग्गाचा आहे. त्या दिवशी सकाळी आम्ही ताज हॉटेलच्या बाहेर जिवाच्या आकांताने धावत आलो होतो. कारण त्याआधी तब्बल १२ तास आम्ही हॉटेलात मृत्यूच्या छायेखाली होतो. आम्ही बाहेर धावत येताच पुन्हा एकदा गोळीबाराला सुरुवात झाली. त्या रात्री आम्ही पाच वेळा प्रत्यक्ष मृत्यूचा सामना केला”, असं अजय बग्गा यांनी आपल्या पोस्टमध्ये म्हटलं आहे.

“आम्ही बाहेर आल्यावर पुन्हा गोळीबाराला सुरुवात झाली”

“त्या रात्री मी माझ्या पत्नीसमवेत ताजमधल्या मसाला क्राफ्ट रेस्तराँमध्ये जेवण करत होतो. रात्री साडेनऊच्या सुमारास गोळीबाराला सुरुवात झाली. तेव्हा आम्ही आत अडकलो ते थेट दुसऱ्या दिवशी साडेदहाच्या सुमारास ताजमधून बाहेर पडलो. एनएसजी कमांडो सकाळी तिथे दाखल झाले होते. त्यांनी आम्हाला बाहेर पडण्यासाठी कॉरिडोर तयार केलं होतं. आम्ही हॉटेलमधून बाहेर पडलो तेव्हा पुन्हा एकदा वरच्या मजल्यांवरून आमच्यावर गोळीबार सुरू झाला. त्यामुळे आम्ही एनएसजी कमांडोंच्या कवचाखाली तिथून वाचण्याचा प्रयत्न करत असताना हा फोटो काढण्यात आला आहे”, अशा शब्गांत बग्गा यांनी त्या दिवशीचा थरारक अनुभव शेअर केला आहे.

Mumbai 26/11 Attacks: ‘त्यादिवशी माझा पुनर्जन्मच झाला, त्या आठवणी कधीच विसरू शकत नाही’

“भारतीय लष्कर, एनएसजी, मुंबई पोलीस, ताज स्टाफ यांच्या धैर्याला व शौर्याला सलाम”, असंही त्यांनी पोस्टमध्ये शेवटी म्हटलं आहे.