झोपुतील सदनिका जवळच्या नात्यातील व्यक्तीला हस्तांतरित करणे आता सोपे

मुंबई: झोपडपट्टी पुनर्वसन योजनेतील सदनिका, अनिवासी गाळा जवळच्या, रक्ताच्या नात्यातील व्यक्तीला बक्षीसपत्राद्वारे हस्तांतरित करणे आता सोपे होणार आहे. अशा प्रकारच्या हस्तांतरासाठी एक ते तीन लाख रुपये असे शुल्क झोपडपट्टी पुनर्वसन प्राधिकरणाकडून आकारले जाते. पण आता मात्र या शुल्कात मोठी कपात राज्य सरकारकडून करण्यात आली आहे. आता एक लाखऐवजी केवळ २०० रुपये इतके शुल्क आकारण्यात येणार आहे. त्यामुळे हा झोपु योजनेतील रहिवाशांसाठी मोठा दिलासा मानला जात आहे.

आणखी वाचा

पनवेल: शास्तीमाफीसाठी मुख्यमंत्र्यांकडे पाठपुरावा

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

येरवड्यातील खुल्या कारागृहातून जन्मठेपेची शिक्षा सुनावलेला कैदी पसार

पूरग्रस्त एकतानगरीचे होणार स्थलांतर नक्की कधी आणि कुठे?

म्हाडा कोकण मंडळ सोडत २०२४ : २२६४ घरांच्या सोडतीला अखेर १५ दिवसांची मुदतवाढ, २५ डिसेंबरपर्यंत अर्जविक्री-स्वीकृती प्रक्रिया

अतिसाराने चिमुकलीचा मृत्यू, बदलापुरातील दुर्दैवी घटना, अंधश्रद्धेचा संशय

ऑनलाईन जुगार हरल्याने झाला कर्जबाजारी, मिरा रोडमधील तरुण बनला चोर

नाशिक : अंबुपाडा आश्रमशाळेत दहावीच्या विद्यार्थ्यांचे नुकसान

आणखी वाचा-गिरणी कामगारांच्या अडीच हजार घरांची सोडत मार्गी लागणार?

झोपु योजनेतील सदनिका दहा वर्षांपर्यंत विकता येत नाही. दुसरीकडे झोपु योजनेतील निवासी, औद्योगिक आणि वाणिज्य वापरासाठीची सदनिका, गाळा विहित मुदतीत बक्षीसपत्राद्वारे जवळच्या, रक्ताच्या नात्यातील व्यक्तीला हस्तांतरीत करण्यासाठी झोपु प्राधिकरणाकडून शुल्क आकारले जाते. निवासी गाळ्यासाठी एक लाख, औद्योगिक गाळ्यासाठी दोन लाख आणि वाणिज्य वापरासाठीच्या गाळ्यासाठी तीन लाख रुपये असे हस्तांतरण शुल्क घेतले जाते. पण आता मात्र तिन्ही प्रकारच्या गाळ्यांचे हस्तांतरण शुल्क कमी करण्यात आले आहे. आता केवळ २०० रुपये शुल्क आकारले जाणार आहे. याबाबतचा शासन निर्णय बुधवारी राज्य सरकारकडून प्रसिद्ध करण्यात आला आहे.