जीटी रुग्णालयाच्या शस्त्रक्रिया गृहात सकाळपासून अजित कुमारच्या तुटलेल्या हातावर शस्त्रक्रिया सुरु होती. अस्थिशल्यविषारदांनी तुटलेल्या हाताचे हाड जोडले… पाठोपाठ रक्तवाहिन्या जोडण्याचे काम सुरु झाले… हे एक आव्हान होत. सुघटन शल्यविशारदांनी ( प्लास्टिक सर्जन) ते लिलया पेलले… सुघटन शल्यविभागाच्या नेतृत्वाखाली तब्बल ११ तास अजितचा हात जोडण्याची शस्त्रक्रिया चालली होती… शस्त्रक्रिया यशस्वी झाली तरी खरी कसोटी त्यापुढेच होती… ती अवघड जबाबदारी पेलण्यासाठी त्याला तात्काळ जीटी रुग्णालयामधून पुन्हा जे. जे. रुग्णालयात दाखल करण्यात आले. तब्बल ४० दिवसांच्या उपचारादरम्यान अजितला करोना झाला व त्यातूनही तो बरा झाला असून त्याचा तुटलेला हात आता पुन्हा पुर्ववत झाला आहे. करोना काळातील कदाचित ही देशातील एक आगळी शस्त्रक्रिया असल्याचे जे. जे. तील डॉक्टरांनी सांगितले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
