जयंत पाटील यांची नऊ तास चौकशी, मुंबईतील ‘ईडी’ कार्यालयाबाहेर राष्ट्रवादीची निदर्शने

जयंत पाटील यांना ईडीने समन्स बजावून सोमवारी (ता.२२) चौकशीला उपस्थित राहण्यास सांगितले होते. त्यानुसार दुपारी १२ च्या सुमारास पाटील ईडी कार्यालयात दाखल झाले. आपण चौकशीला संपूर्ण सहकार्य करणार असल्याची प्रतिक्रिया पाटील यांनी ईडी कार्यालयात जाण्यापूर्वी व्यक्त केली. ‘ईडीचे समन्स आल्यापासून माझ्या पक्षाच्या पदाधिकाऱ्यांचे आणि राज्यभरातील इतर मित्र पक्षांचे दूरध्वनी येत आहेत. आज राज्यभरातून लोक ईडीच्या कार्यालयात येत आहेत. माझी विनंती आहे की कोणीही मुंबईत येऊ नये. या चौकशीत मी ईडीला पूर्ण सहकार्य करेन,’ असे पाटील यांनी स्पष्ट केले. पाटील यांच्या आवाहनानंतरही बेलार्ड पिअर येथील ईडी कार्यालयाबाहेर राष्ट्रवादीच्या कार्यकर्त्यांनी गर्दी केली होती. ही चौकशी राजकीय सूडापोटी केली जात असल्याचे आरोप करत कार्यकर्त्यांनी निदर्शने केली. 

आणखी वाचा

खासगी व्यक्तींच्या नियुक्तीस मनाई; मुख्यमंत्री देवेंद्र फडणवीस यांच्या निर्णयाने मंत्र्यांना धक्का

…तर औषधाची गरजच नाही! वाचा निरोगी आयुष्य जगण्यासाठी…

नागरी समस्या, तक्रारी ऐकून घेण्यासाठी नागरिकांना वेळ द्या, आयुक्त डाॅ. इंदुराणी जाखड यांच्या वरिष्ठ अधिकाऱ्यांना सूचना

पंतप्रधान नरेंद्र मोदी आज मुंबईत; महायुतीच्या आमदारांशी साधणार संवाद

Adar Poonawalla: “माझी पत्नी रविवारी मला…”, अदर पूनावाला यांचाही उपरोधिक टोला; म्हणाले, “आठवड्याला ९० तास काम…”

Devendra Fadnavis : मुख्यमंत्री देवेंद्र फडणवीसांच्या वक्तव्याने हास्यकल्लोळ, “सकाळचा शपथविधी नको म्हणून यावेळी आम्ही संध्याकाळी…”

कोणत्याही दुय्यम निबंधक कार्यालयात दस्तनोंदणी, मुख्यमंत्री देवेंद्र फडणवीस यांची घोषणा

Suresh Dhas : “…तर बिनभाड्याच्या खोलीत जावं लागेल, राजीनामा ही नंतरची गोष्ट”; मुख्यमंत्र्यांच्या भेटीनंतर सुरेश धस यांचं मोठं विधान

प्रकरण काय?

आयएल अँड एफएसने कोटय़वधी रुपयांचा गैरव्यवहार व संशयास्पद कर्जाचे वाटप केल्याचा आरोप आहे. कंपनीने २०१८ मध्ये दिवाळखोरीसाठी अर्ज केला होता. याप्रकरणी ईडीने आयएल अँड एफएसचे दोन माजी लेखापाल व त्यांचे सहाय्यक यांच्याशी संबंधीत ठिकाणांवर गेल्या आठवडय़ात शोध मोहिम राबवली होती. दिल्ली पोलिसांच्या आर्थिक गुन्हे शाखेने २०१९ मध्ये दाखल केलेल्या गुन्ह्यांच्या आधारे चौकशी सुरू आहे.