भुजबळ काका-पुतण्यांच्या न्यायालयीन कोठडीत ७ जूनपर्यंत वाढ

महाराष्ट्र सदनाच्या बांधकाम घोटाळ्यासह अन्य आर्थिक गैरव्यवहारांप्रकरणी सध्या कारागृहात असलेले माजी उपमुख्यमंत्री छगन भुजबळ आणि त्यांचे पुतणे समीर भुजबळ यांच्या न्यायालयीन कोठडीत बुधवारी ७ जूनपर्यंत वाढ करण्यात आली. गेल्या जवळपास दोन महिन्यांपासून छगन भुजबळ मुंबईत कोठडीत आहेत. त्यांनी केलेला जामीन अर्जही न्यायालयाने यापूर्वीच फेटाळला आहे.
आर्थिक गैरव्यवहार प्रतिबंधक कायद्याअंतर्गत स्थापित विशेष न्यायालयाचे अतिरिक्त न्यायाधीश पी. आर. भावके यांनी भुजबळ काका-पुतण्याच्या न्यायालयीन कोठडीत वाढ करण्याचा निर्णय दिला. यापूर्वी छगन भुजबळ यांनी आपल्याला वृद्ध म्हणून नव्हे, तर प्रकृती खूपच खालावली असल्याने जामीन देण्याची केलेली विनंती विशेष न्यायालयाने फेटाळली होती. भुजबळ यांच्या प्रकृतीची आवश्यक ती काळजी घेण्यात येत असून, त्यांना या कारणासाठी जामीन देण्याची गरज नसल्याचा दावा ‘ईडी’ने जामिनाला विरोध करताना केला होता. तो न्यायालयाने मान्य केला होता.

आणखी वाचा

अक्षय कुमारच्या २००४ मध्ये प्रदर्शित झालेल्या ‘या’ सिनेमाचा येणार सिक्वेल, चित्रपटाला २० वर्षे पूर्ण होताच निर्मात्यांनी केली घोषणा

Nana Patole : निकालाआधी राजकीय घडामोडींना वेग; यातच…

सोलापूर जिल्हा बँक घोटाळा, निकालाने ऐन प्रचारात खळबळ; दिलीप सोपल, मोहिते पिता-पुत्र, शिंदे बंधू, साळुंखेंच्या अडचणीत वाढ

Neelam Rane : “आई म्हणून मला भीती वाटते…”, नितेश राणेंबाबत नीलम राणेंना वाटते ‘ही’ काळजी!

Nawab Malik : “आम्ही किंगमेकर राहणार, आमच्याशिवाय कोणतंही सरकार…”, अजित पवार गटाच्या नेत्याचं मोठं विधान

मेळघाटात दोन माजी आमदारपुत्रांमध्‍ये पुन्‍हा लढाई

Amit Shah : ‘महायुतीचं सरकार आल्यास मुख्यमंत्री कोण?’ अमित शाह म्हणाले, “नेतृत्व…”