जम्बो ब्लॉक :मेट्रोच्या फेऱ्या वाढविण्याबाबत अद्याप निर्णय नाही

तांत्रिक कामानिमित्त मध्य रेल्वेवरील ठाणे स्थानकात ३० मे रोजी मध्यरात्री १२.३० वाजता ३६ तासांच्या जम्बो ब्लॉकला सुरुवात झाली. त्यामुळे रेल्वे सेवा विस्कळीत होऊन प्रवाशांची गैरसोय होण्याची शक्यता आहे. ही बाब लक्षात घेऊन अनेक प्रवासी ‘घाटकोपर –  अंधेरी – वर्सोवा मेट्रो १’, ‘दहिसर – अंधेरी पश्चिम मेट्रो २ अ’ आणि ‘दहिसर – गुंदवरी मेट्रो ७’चा पर्याय निवडण्याची शक्यता आहे. त्यामुळे प्रवाशांची गैरसोय टाळण्यासाठी मेट्रोच्या फेऱ्यांमध्ये वाढ करणे क्रमप्राप्त होते. मात्र अद्यापही ‘घाटकोपर –  अंधेरी – वर्सोवा मेट्रो १’, ‘दहिसर – अंधेरी पश्चिम मेट्रो २ अ’ आणि ‘दहिसर – गुंदवरी मेट्रो ७’वरील फेऱ्यांमध्ये वाढ करण्यात आलेली नाही. त्यामुळे अनेक प्रवाशांना नाराजी व्यक्त करण्यास सुरुवात केली आहे.

आणखी वाचा

कोकणी प्रवासी कायम दुर्लक्षित

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

पुणे मेट्रोचा अजब कारभार! मेट्रोच्या तिकिटापेक्षा वाहनतळ शुल्कच जास्त

बदलापूर-नवी मुंबई प्रवास २० मिनिटांत! ‘एमएमआरडीए’ बांधणार विमानतळ प्रवेश नियंत्रण मार्ग

मध्य रेल्वेचा ‘पांढरा हत्ती’ प्रवाशांसाठी त्रासदायक; वातानुकूलित लोकलच्या दहा फेऱ्या रद्द

मुंबई : साडेसात वर्षांत कळवा-ऐरोली उन्नत प्रकल्पाचे केवळ ४६ टक्के काम पूर्ण

मेट्रो ३ : आरे ते बीकेसी टप्पा दसऱ्यापूर्वी वाहतूक सेवेत, ऑक्टोबरच्या पहिल्या आठवड्यात नरेंद्र मोदींच्या हस्ते लोकार्पण

पुण्यासाठी ‘वंदे भारत’ नाही, पण ही विशेष गाडी धावणार

हेही वाचा >>>“योग्य वेळी अटक न केल्याने मोदी, मल्ल्या आणि चोक्सी पळून गेले”, मुंबई उच्च न्यायालयाने ईडीला सुनावलं

दरम्यान, रेल्वेच्या जम्बो ब्लॉकच्या पार्श्वभूमीवर ‘घाटकोपर –  अंधेरी – वर्सोवा मेट्रो १’, ‘दहिसर – अंधेरी पश्चिम मेट्रो २ अ’ आणि ‘दहिसर – गुंदवरी मेट्रो ७’वरील प्रवासी संख्येत शुक्रवारी वाढ होण्याची शक्यता आहे. प्रवाशांची वाढणारी संख्या आणि मागणी लक्षात घेऊन ‘मेट्रो २ अ’ आणि ‘मेट्रो ७’वरील फेऱ्यांमध्ये एमएमआरडीएतर्फे वाढ करण्यात येईल, अशी माहिती महानगर आयुक्त डॉ. संजय मुखर्जी यांनी दिली.

हेही वाचा >>>१२ वर्षांनंतरही गहाळ १,४०१ नस्तींचे प्रकरण गुलदस्त्यातच

मेट्रोच्या फेऱ्यांमध्ये वाढ करण्याच्या नियोजनासाठी बराच वेळ लागतो. मात्र रेल्वे प्रशासनाने जम्बो ब्लॉकची माहिती अचानक दिली. इतक्या मोठ्या जम्बो ब्लॉकची घोषणा काही दिवस आधी करायला हवी होती. तसे झाले असते तर इतर यंत्रणांना तयारी करता आली असती, असे एमएमआरडीएतील अधिकाऱ्यांनी सांगितले. दरम्यान, मुंबई मेट्रो वन प्रायव्हेट लिमिटेडनेही (एमएमओपीएल) अद्याप फेऱ्या वाढविण्याबाबत कोणताही निर्णय घेतलेला नाही.