कोकणातील वंदे भारतचा प्रवास दोन तासांनी वाढणार

गणेशोत्सव काळात वंदे भारत एक्स्प्रेसला प्रचंड प्रतिसाद असतो. त्यामुळे या काळात प्रवाशांचा प्रवास दोन तासांनी वाढणार आहे. रेल्वे प्रवाशांच्या सुरक्षेसाठी कोकण रेल्वेवर १० जून ते ३१ ऑक्टोबर या कालावधीत पावसाळी वेळापत्रक लागू होणार आहे. मुसळधार पाऊस आणि आपत्कालीन घटनांच्या शक्यतेमुळे रेल्वेगाड्यांचा वेग कमी केला जातो. त्यामुळे बहुतांश रेल्वेगाड्यांच्या वेळापत्रकात बदल होतो. याचा सर्वाधिक फटका अति जलद रेल्वेगाड्यांना बसतो.

आणखी वाचा

दिवाळीनिमित्त पनवेल – नांदेड विशेष रेल्वेगाड्या

“लग्नाची बातमी सर्वात आधी राज ठाकरेंना…”, प्रेमाची जाहीर…

मुंबई : १५ डबा लोकलच्या २०९ फेऱ्या, पश्चिम रेल्वेच्या वेळापत्रकात आजपासून बदल

दिवाळी, छठ पूजेनिमित्त ६,५५६ विशेष रेल्वेगाड्या

अलिबाग: माणगाव ते दिघी महामार्गावर अवजड वाहनांना बंदी; रायगड जिल्हाधिकारी यांच्याकडून अधिसुचना जारी

ठाणे ते आनंदनगर उन्नत मार्ग चार वर्षात

कोकणी प्रवासी कायम दुर्लक्षित

वाहनतळ शुल्कवाढीमुळे प्रवाशांचा संताप; उरण ते खारकोपर रेल्वे स्थानकांलगतच्या वाहनतळाचे दर कमी करण्यासाठी मुख्यमंत्र्यांना साकडे

हेही वाचा…लोकसभा निवडणुकीमुळे मुंबई विद्यापीठाच्या परीक्षा लांबणीवर; ६, ७ आणि १३ मे रोजी होणाऱ्या सर्व परीक्षा पुढे ढकलल्या

तसेच मुंबई – गोव्यादरम्यानचा प्रवास वेळेत आणि वेगात होण्यासाठी वंदे भारत एक्स्प्रेस सुरू करण्यात आली. मात्र, आठवड्यातून सहा वेळा धावणारी वंदे भारत पावसाळी वेळापत्रकानुसार फक्त तीन दिवस धावेल. कोकणात जाणाऱ्यांची संख्या गणेशोत्सव काळात अधिक असते. त्यामुळे या काळात प्रवाशांचा वेगवान प्रवासाची इच्छा अपूर्णच राहणार असल्याची चिन्हे दिसत आहे.

पावसाळी वेळापत्रक वगळता मुंबई – गोवा सुमारे ५८६ किमी अंतर कापण्यासाठी वंदे भारत एक्स्प्रेला ७.४५ तास लागतात. गाडी क्रमांक २२२२९ / २२२३० वंदे भारत एक्स्प्रेस शुक्रवार वगळता आठवड्यातील सर्व दिवस धावते. गाडी क्रमांक २२२२९ सीएसएमटी – मडगाव वंदे भारत एक्स्प्रेस पहाटे ५.२५ वाजता सीएसएमटीवरून सुटेल आणि मडगाव येथे दुपारी १.१० वाजता पोहोचेल. तर गाडी क्रमांक २२२३० मडगाववरून दुपारी २.४० वाजता सुटेल आणि रात्री १०.२५ वाजता सीएसएमटी मुंबईला पोहोचेल.

हेही वाचा…मुंबई : खासगी विकासक, बँक, दलालांची मदत न घेता इमारतीचा पुनर्विकास

पावसाळी वेळापत्रकानुसार मुंबई – गोवा अंतर कापण्यासाठी वंदे भारत एक्स्प्रेसला सुमारे १० तास लागतात. गाडी क्रमांक २२२२९ सीएसएमटी – मडगाव वंदे भारत एक्स्प्रेस दर सोमवार, बुधवार आणि शुक्रवारी पहाटे ५.२५ वाजता सीएसएमटीवरून सुटेल आणि मडगाव येथे दुपारी ३.३० वाजता पोहोचेल. तर गाडी क्रमांक २२२३० मडगाववरून दर मंगळवार, गुरुवार आणि शनिवारी दुपारी १२.२० वाजता सुटेल आणि रात्री १०.२५ वाजता मुंबईमधील सीएसएमटीला पोहोचेल. दोन्ही दिशेकडे जाणाऱ्या गाडीला दादर, ठाणे, पनवेल, खेड, रत्नागिरी, कणकवली आणि थिवी येथे थांबे देण्यात येतील.