अ‍ॅन्टॉप हिल येथे दरड कोसळून दोन ठार

अ‍ॅन्टॉप हिल येथील शेख मिस्त्री दर्गाह रोडवरील जुन्या टपाल कार्यालयाजवळील टेकडीवरून चार झोपडय़ांवर बुधवारी सकाळी आठच्या सुमारास दरड कोसळली. ढिगाऱ्याखालून काढण्यात आलेल्या संदीप रामअवतार केवट (२२), रामअवतार पावारू केवट (४५) आणि सलीम शेख (२७) यांना तातडीने शीव रुग्णालयात दाखल करण्यात आले. मात्र उपचारादरम्यान संदीप आणि रामअवतार यांचे निधन झाले. ढिगाऱ्याखाली आणखी पाच जण अडकल्याची भीती आहे. रात्री उशिरापर्यंत सुरू असलेला मुसळधार पाऊस आणि चिंचोळ्या रस्त्यामुळे बचावकार्यात अडथळे येत होते.