काँग्रेसला गळती आणि नेत्यांची भाजप व मित्रपक्षांकडे रीघ

भाजपने आगामी लोकसभा निवडणूक जिंकण्यासाठी प्रत्येक मतदारसंघ जिंकण्यासाठी अन्य पक्षातील कोणत्या नेत्यांचा उपयोग होईल, यादृष्टीने नियोजन केले आहे. संबंधित नेत्याने भाजपमध्ये प्रवेश करायचा की सहकारी पक्षात, याबाबतचे धोरणही बहुतांश प्रकरणांमध्ये भाजपच ठरवीत आहे. काँग्रेसचे माजी खासदार मिलींद देवरा यांनी नुकताच मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला. त्यांचे वडील मुरली देवरा हे ज्येष्ठ काँग्रेस नेते होते आणि दीर्घकाळ केंद्रीय मंत्री होते. गांधी घराण्याशी त्यांचे घनिष्ठ संबंध होते. मिलींद देवरा यांचेही ज्येष्ठ नेते राहुल गांधींसह काँग्रेस पक्षश्रेष्ठींशी चांगले संबंध होते. पण राजकीय भवितव्याच्या दृष्टीने देवरा हे भाजपबरोबर सत्तेत असलेल्या शिंदे गटात सामील झाले.

आणखी वाचा

रामदास आठवले भाजपला सांभाळणार की रिपब्लिकन कार्यकर्त्यांना?

Sushma Andhare : “माझी प्रिय भावजय” म्हणत सुषमा…

धंगेकर-रासने लढतीच्या दुसऱ्या फेरीत कोणाची बाजी?

अन्वयार्थ : हजार कोटी सापडले, त्याचे पुढे काय झाले?

सांगली: भाजपचे पदाधिकारी सुधाकर खाडे यांचा जमिनीच्या वादातून खून

Vishwajeet Kadam: जयश्री पाटील यांना बंडखोरीस भाग पाडले – विश्वजित कदम

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

‘बांटना और काटना’हे भाजपचे काम – खरगे

हेही वाचा – अभिषेक घोसाळकरांच्या हत्येनंतर चार दिवसांनी मॉरिसच्या पत्नीचा गौप्यस्फोट! म्हणाली, “मॉरिस व्हिलन…”

बाबा सिद्धीकी हे गेली अनेक वर्षे काँग्रेसमध्ये कार्यरत होते. मात्र त्यांनीही नुकताच काँग्रेसला रामराम ठोकून अजित पवार यांच्या नेतृत्वाखालील राष्ट्रवादी काँग्रेस पक्षात प्रवेश केला. त्यांचा मुलगा झिशान सिद्धीकी हे काँग्रेसचे आमदार असून सध्या ते तेथेच असले, तरी विधानसभा निवडणुकीआधी तेही त्याच मार्गाने जाण्याची चिन्हे आहेत. सत्ताधारी पक्षांबरोबर राहिल्यास अधिक लाभ होईल, या जाणीवेतून सिद्धीकी यांनी राष्ट्रवादी काँग्रेसचा सोयीचा पर्याय निवडला आहे.

अशोक चव्हाण यांचे वडील शंकरराव चव्हाण यांनी आयुष्यभर काँग्रेसचे काम केले आणि ते गांधी घराण्याशी एकनिष्ठ होते. उच्चशिक्षीत असलेल्या अशोक चव्हाण यांच्यावर लहानपणापासूनच काँग्रेसच्या विचारांचे संस्कार झाल्याने ते गेली ४० वर्षांहून अधिक काळ पक्षाचे काम करीत आहेत. पक्षाने त्यांना आमदार, खासदार, प्रदेशाध्यक्ष व मुख्यमंत्रीपदही दिले होते. तरीही त्यांनी काँग्रेसची साथ सोडण्याचा निर्णय घेतला आहे.

हेही वाचा – मुंबई : साकीनाका हत्या प्रकरणातील आरोपींना सहा तासांत अटक

दीर्घकाळ काँग्रेसमध्ये काम केलेल्या कृपाशंकरसिंह, राजहंससिंह यांनीही काही काळापूर्वी काँग्रेस सोडून भाजपची वाट धरली. कृपाशंकरसिंहांना भाजपने प्रदेश उपाध्यक्षपद दिले, तर राजहंससिंह यांना विधानपरिषदेवर आमदारकी दिली आहे. अशोक चव्हाण यांना भाजप काय देणार, हे अद्याप जाहीर झाले नसले, तरी चौकशीचा ससेमिरा संपून त्यांना चांगला राजकीय लाभही मिळण्याची शक्यता आहे.