गरीबरथ एक्स्प्रेसला ‘एलएचबी’ डबे

मुंबई : मध्य आणि कोकण रेल्वेवरून धावणाऱ्या एलटीटी – कोचुवेली गरीबरथ एक्स्प्रेसने कात टाकली असून या रेल्वेगाडीला लिके हॉफमॅन बुश (एलएचबी) डबे जोडण्यात आले आहेत. त्यामुळे गरीबरथ एक्स्प्रेसच्या डब्यांची लांबी – रुंदी, रुंद प्रवेशद्वार, सुधारित रचनेतील बेसीन आणि शौचालय अशा बदललेल्या रुपातील रेल्वेगाडी प्रवाशांच्या सेवेत रूजू झाली आहे. त्यामुळे कोकणवासियांचा प्रवास आरामदायी होण्यास मदत होणार आहे. रविवारपासून लाल आणि करड्या रंगातील एलएचबी रेकसह गरीबरथ एक्स्प्रेस धावणार आहे.