धर्म नाकारण्यातच शहाणपणा !

कोकणी मुसलमान हा पुरोगामी मानला जातो. मात्र १९९३ नंतर त्यांच्यावर सौदी अरेबियातील मुस्लीम धर्माची वेगळी ओळख लादण्याचा प्रयत्न केला जाऊ लागला आहे. खरे तर देशातील मुस्लिमांनी बाहेरील समाजाचे अनुकरण करणे चुकीचे आहे. महम्मद पैगंबराने मुस्लिमांमध्ये लग्न मोडण्याचा अधिकार स्त्रियांनाही दिला आहे. धर्मग्रंथातील उल्लेखांचा सोयीनुसार अर्थ लावला जाऊन महिलांवर बंधने लादली गेली. स्वातंत्र्य आणि समान अधिकार मिळविण्याबाबत स्त्रियांशी दुजाभाव करणारे सर्व रीतिरिवाज सोडून द्यावे लागतील.
– प्रा. मोहसिना मुकादम

आणखी वाचा

महात्मा गांधी केवळ संघविरोधासाठीच उरले आहेत?

Malasian Airlines: बेपत्ता MH370 चा शोध; पुण्यातील प्रल्हाद…

महाकुंभातील भक्त योगी-मोदींवर नाराज का?

हुकूमशाही संघटनेत कवी जन्माला येत नाही! जयपूर साहित्य महोत्सवात जावेद अख्तर यांचे प्रतिपादन

लोकमानस: हा तर श्रद्धेचा राजकारणासाठी वापर

“डोळ्यात पाणी…”, ‘छावा’मधील राज्याभिषेकाच्या सीनबाबत संतोष जुवेकर म्हणाला, “विकी कौशलची एन्ट्री…”

‘कुंभमेळा’ आणि हिंदू धर्म-संस्कृती-समाज रचना यांतील तंत्र प्रवाह!

Mohan Bhagwat : सरसंघचालक मोहन भागवत यांचं वक्तव्य, “डॉ. बाबासाहेब आंबेडकर म्हणाले होते, धर्म म्हणजे….”

डॉ. आंबेडकर यांनी हिंदू कोड बिलात स्त्रियांच्या हक्काची दहा कलमे नमूद केली. मात्र त्यातील स्वहित न दिसल्याने हिंदू स्त्रियांनीच त्याला विरोध केला. खरे तर ज्याला आपण धर्म म्हणतो त्यात स्त्रियांना कोणतेही स्थान नाही. द्रौपदीच्या रक्षणासाठी आलेल्या श्रीकृष्णाचे गोडवे गायले जातात, पण वस्त्राचा पुरवठा करण्याऐवजी स्त्रीला अपमानित करू पाहणाऱ्या दु:शासनाचे हात त्याने का तोडले नाहीत, असा प्रश्न कुणाला पडतच नाही. माणूस म्हणून जगायचे असेल तर स्त्रियांनी बंधने झुगारून देणे आवश्यक आहे.
– ऊर्मिला पवार

बाळंतपणामुळे २० ते २५ हजार वर्षांपूर्वी अग्नीच्या साथीने स्त्रिया सर्वप्रथम गुहेमध्ये स्थिरावल्या व मातृसत्ताक टोळ्यांचा उदय झाला. ‘जगा आणि जगवा’ हे त्यांचे धोरण होते. त्याउलट ‘मारा आणि भोगा’ हे धोरण असणाऱ्या पुरुष टोळ्यांनी स्त्रियांना भोगवस्तू ठरवून त्यांचे सर्व अधिकार काढून घेतले. मातृसत्ताक संस्कृतीच्या वाहक स्त्रिया आणि चालक क्षुद्र होते. त्यामुळेच पुढील काळात त्यांच्यावर र्निबधे लादली गेली. हजारो वर्षांच्या या अन्यायकारक संस्कारांचा प्रभाव शंभरेक वर्षांत नाहीसा होणे अशक्य आहे. मात्र मातृसंस्कृतीच्या या इतिहासाचा शिक्षणात अंतर्भाव केला तर अंधश्रद्धा दूर होण्यास मदत होईल.
– मंगला सामंत