विकासवाटेवरील अग्रेसर जिल्ह्यांचा आज सन्मान सोहळा

देश आणि राज्य यांच्या विकासाचे मोजमाप करणारी शास्त्रशुद्ध पद्धत रूढ झाली असली तरी, देशाच्या एकंदर विकासात मोलाची कामगिरी बजावणाऱ्या जिल्ह्यांची प्रगती मोजणाऱ्या स्वतंत्र व्यवस्थेचा अभाव जाणवतो. ही उणीव दूर करण्यासाठी ‘लोकसत्ता’ने ‘जिल्हा निर्देशांक’ हा उपक्रम हाती घेतला. १२ घटकांत उपलब्ध सांख्यिकीचे विश्लेषण करून जिल्ह्याच्या सामाजिक, आर्थिक, आरोग्यविषयक, शैक्षणिक, पायाभूत सुविधाविषयक प्रगतीची मांडणी करणाऱ्या ‘लोकसत्ता जिल्हा निर्देशांक’चे यंदा तिसरे पर्व. मुख्य प्रायोजक सारस्वत बँक असलेल्या या उपक्रमाचे ‘नॉलेज पार्टनर’ पुण्यातील गोखले इन्स्टिट्यूट ऑफ पॉलिटिक्स अॅण्ड इकॉनॉमिक्स हे आहेत. महानिर्मिती आणि महाराष्ट्र रेल इन्फ्रास्ट्रक्चर डेव्हलपमेंट कॉर्पोरेशन लिमिटेड हे ‘पॉवर्डबाय’ पार्टनर आहेत.

मुंबईत आज होत असलेल्या सोहळ्यात पंतप्रधानांच्या आर्थिक सल्लागार परिषदेचे सदस्य अर्थतज्ज्ञ संजीव सन्याल आणि मुख्यमंत्री देवेंद्र फडणवीस यांच्या हस्ते निर्देशांक अहवालाचे प्रकाशन पार पडेल. तसेच आपापल्या गटात सर्वोत्तम कामगिरी करणाऱ्या जिल्ह्यांचा सन्मानदेखील (पान २ वर) (पान १ वरून) करण्यात येईल. याखेरीज संयुक्त राष्ट्रांनी आखून दिलेल्या शिक्षणविषयक ‘एसडीजी ४’ आणि आर्थिक प्रगती व रोजगारविषयक ‘एसडीजी ८’ या निकषांनुसार पाच वर्षांत सर्वात चांगली प्रगती करणाऱ्या जिल्ह्यांनाही या वेळी गौरवण्यात येणार आहे. या वेळी विविध जिल्ह्यांचे पालकमंत्री, जिल्हाधिकारी तसेच प्रशासकीय सेवेतील अधिकारी आणि राजकीय नेतेमंडळींची उपस्थिती असणार आहे.

प्रमुख उपस्थिती

● संजीव सन्याल, पंतप्रधानांच्या आर्थिक सल्लागार परिषदेचे सदस्य

● देवेंद्र फडणवीस, मुख्यमंत्री

मुख्य प्रायोजक

सारस्वत कोऑप बँक लिमिटेड

पॉवर्ड बाय

महानिर्मिती, महाराष्ट्र रेल इन्फ्रास्ट्रक्चर डेव्हलपमेंट कॉर्पोरेशन लिमिटेड

नॉलेज पार्टनर

गोखले इन्स्टिट्यूट ऑफ पॉलिटिक्स अॅण्ड इकॉनॉमिक्स, पुणे</p>