सौरभ शुक्ला यांच्या उपस्थितीत महाअंतिम सोहळा

 ‘लोकसत्ता लोकांकिका’ या आंतरमहाविद्यालयीन एकांकिका स्पर्धेच्या प्राथमिक फेऱ्यांना शनिवारपासून पुणे आणि कोल्हापूर येथून मोठय़ा जल्लोषात सुरूवात झाली. अन्य सहा केंद्रांवरही तालमींना रंगल्या आहेत. युवा सर्जनशील कलावंतांना नाटय़ाविष्काराची संधी देत त्यांना कलाक्षेत्रातील व्यावसायिक संधींचे दालन खुल्या करून देणाऱ्या ‘लोकसत्ता लोकांकिका’ स्पर्धेच्या महाअंतिम सोहळय़ाला लाभणारी वलयांकित कलावंतांची उपस्थिती हा दरवर्षी उत्सुकतेचा विषय असतो. यंदा ‘सत्या’ चित्रपटातील कल्लूमामा ही व्यक्तिरेखा गाजवणारे अभिनेते आणि याच चित्रपटातून मुंबईच्या अधोविश्वाची एक वेगळी बाजू प्रेक्षकांसमोर आणणारे लेखक सौरभ शुक्ला हे प्रमुख पाहुणे म्हणून ‘लोकसत्ता लोकांकिका’च्या मंचावर उपस्थित राहणार आहेत.

आणखी वाचा

मिरा-भाईंदर शहरात रविवारी विविध राज्यातील मंत्री प्रचारात

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

रोड-शो दरम्यान भाजपचे झेंडे दाखवणाऱ्यांना प्रियंका गांधी म्हणाल्या, तुम्हाला शुभेच्छा मात्र…

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

२८ नोव्हेंबरला गुरु बदलणार आपली चाल! ‘या’ राशीच्या लोकांच्या आयुष्यात येणार आनंद, मिळेल अपार धन

पंतप्रधानांच्या आगमनाच्या अखेरच्या क्षणापर्यंत सरकारची स्वच्छ खारघर मोहीम सुरूच

“जीभेवर व्हेज, मनात नॉनव्हेज…”, सिद्धार्थ चांदेकरने अमेय वाघला वाढदिवसाच्या दिल्या हटके शुभेच्छा; म्हणाला…

‘कार्तिकी’निमित्त शेगावात भाविकांची मांदियाळी; पालखी परिक्रमा लक्षवेधी

हेही वाचा >>>राष्ट्रवादी काँग्रेसच्या आमदार अपात्रता याचिकांवर जानेवारीत सुनावणी; विधानपरिषदेतील शिवसेना आमदार अपात्रता सुनावणी अनिश्चित

 सौरभ शुक्ला यांनी १९८६ मध्ये ‘व्ह्यू फ्रॉम द ब्रिज’, ‘लूक बॅक इन अँगर’, ‘घाशीराम कोतवाल’, ‘हयवदन’ सारख्या नाटकांतून काम करत अभिनयाच्या कारकिर्दीला सुरूवात केली. नाटकातून भूमिका करत असताना त्यांना दिग्दर्शक शेखर कपूर यांच्याकडून ‘बँडिट क्वीन’ चित्रपटासाठी विचारणा झाली. रंगभूमीवरून रुपेरी पडद्यापर्यंत नेणारा हा त्यांचा पहिला चित्रपट ठरला. १९९८ साली त्यांनी लिहिलेला ‘सत्या’ हा रामगोपाल वर्मा दिग्दर्शित चित्रपट प्रदर्शित झाला. या चित्रपटाच्या यशामुळे त्यांना ओळख मिळाली. त्याचा योग्य उपयोग करून घेत लेखक, दिग्दर्शक आणि अभिनेता म्हणून त्यांनी स्वत:ला सिद्ध केले आहे. या हरहु्न्नरी अभिनेत्याचा जीवनप्रवास, अभिनय-लेखन क्षेत्रातील त्यांचा अनुभव त्यांच्याच तोंडून ऐकण्याची संधी ‘लोकसत्ता लोकांकिका’ महाअंतिम सोहळय़ात मिळणार आहे.

प्राथमिक फेऱ्या अशा.. २९ आणि ३० नोव्हेंबरला नागपूर विभागाची प्राथमिक फेरी रंगेल. मुंबई, ठाणे व नाशिकची प्राथमिक फेरी २ आणि ३ डिसेंबर, तर रत्नागिरी आणि छत्रपती संभाजीनगर विभागाची प्राथमिक फेरी ४, ५ डिसेंबरला होईल.

मुख्य प्रायोजक 

’सॉफ्ट कॉर्नर

सहप्रायोजक

’भारती विद्यापीठ, पुणे

’शिवरत्न शिक्षण संस्था, अकलूज संचलित विजयसिंह मोहिते-पाटील कॉलेज ऑफ नर्सिग अ‍ॅण्ड मेडिकल रिसर्च इन्स्टिटय़ूट

पॉवर्ड बाय 

’केसरी टूर्स

’शिवामृत दूध उत्पादक सहकारी संघ मर्या, विजयनगर-अकलूज, ता. माळशिरस जि. सोलापूर

’श्री नेमिनाथ ज्वेलर्स

साहाय्य

’अस्तित्व

टॅलेंट पार्टनर

’आयरिस प्रॉडक्शन