मुंबई : विज्ञान, तंत्रज्ञान, कायदा, धोरणे, राजकारण व शासन, उद्याोजकता, व्यवसाय, सामाजिक कार्य, क्रीडा, कला, मनोरंजन अशा विविध क्षेत्रांमध्ये लखलखते यश मिळवणाऱ्या काही निवडक तरुण- तरुणींना ‘लोकसत्ता’च्या ‘तरुण तेजांकित’ पुरस्काराने यंदाही सन्मानित करण्यात येणार आहे. नवसंकल्पना आणि उमेदीने वेगवेगळ्या क्षेत्रात कार्य करणाऱ्या युवांच्या कामगिरीला गौरविणाऱ्या ‘लोकसत्ता तरुण तेजांकित’ पुरस्कारासाठी अर्ज करण्याची प्रक्रिया सध्या सुरू आहे.
विविध अडचणींवर मात करून यश संपादन करणाऱ्या युवांचा संघर्ष, यश आणि कर्तृत्व सर्वांसाठीच प्रेरणादायी ठरते आणि आयुष्यात नवऊर्जेने काम करण्यास उद्याुक्त करते. त्यामुळे त्यांचे कार्य समाजासमोर आणण्याच्या उद्देशाने ‘लोकसत्ता तरुण तेजांकित’ पुरस्कार प्रदान करण्यात येतो. युवांमधील ऊर्जा, उद्यामशीलता, जिद्द आणि प्रज्ञेला गौरविणाऱ्या या उपक्रमाचे यंदा सातवे वर्ष असून आतापर्यंत देशभरातील शंभरहून अधिक प्रज्ञावंत तरुणांचा ‘लोकसत्ता तरुण तेजांकित’ पुरस्कार देऊन गौरव करण्यात आला आहे.
महाराष्ट्रातील शहरी आणि ग्रामीण भागांतील नवउद्याोजक व संशोधकांमधील गुणवत्तेला आणि व्यावसायिक जिद्दीला प्रोत्साहनपर पाठबळ देण्यासाठी ‘लोकसत्ता तरुण तेजांकित’ पुरस्कार प्रदान करण्यात येतो. ‘तरुण तेजांकित’ पुरस्कारांसाठी नोंदणी प्रक्रिया ही सध्या ऑनलाइन पद्धतीने सुरू आहे. या पुरस्कार प्रक्रियेचा भाग होण्यासाठी ऑनलाइन पद्धतीने नोंदणी करून अर्ज भरणे बंधनकारक आहे. त्यानंतर आलेल्या अर्जांमधून मान्यवरांची स्वतंत्र समिती विविध निकषांच्या आधारे ‘तरुण तेजांकित’ युवकांची निवड करते.
प्रवेशअर्ज कसा भराल?
‘तरुण तेजांकित’ पुरस्काराच्या निवड प्रक्रियेचे तपशील https:// taruntejankit. loksatta. com/ या संकेतस्थळावर उपलब्ध आहेत. तसेच या संकेतस्थळावरून अर्ज ऑनलाइन भरून पाठविणे बंधनकारक आहे. त्याचबरोबर आपल्या भवताली असणाऱ्या गुणवंत तरुण- तरुणींची नावे माहितीसह सुचवता येतील.
