मढ येथील समुद्र किनाऱ्यावर जखमी अवस्थेत दुर्मिळ ‘लॉगहेड’ कासव सापडले असून ऐरोली येथील किनारी आणि सागरी जैवविविधता केंद्रात या कासवावर उपचार सुरू आहेत. कासव बरे झाल्यानंतर ‘फ्लिपर टॅगिंग’ करून त्याला सुरक्षितस्थळी सोडण्यात येणार आहे.मढ येथील सिल्व्हर किनाऱ्यावर १७ ऑगस्ट रोजी स्थानिक मच्छिमारांना मादी ‘लॉगहेड’ कासव जखमी अवस्थेत आढळले होते. लहान बोटीने जोरदार धडक दिल्याने कासवाचे कवच तुटल्याचे निदर्शनास आले आहे. या कासवाला स्थानिक पोलीस आणि कांदळवन कक्षाच्या कर्मचाऱ्यांनी ऐरोलीतील केंद्रात दाखल केले असून वैद्यकीय तपासणी केल्यानंतर त्याला न्यूमोनिया झाल्याचे निष्पन्न झाले. सध्या या केंद्रात कासवावर उपचार सुरू आहेत. कासव बरे झाल्यानंतर त्याला ‘टॅगिंग’ करण्यात येणार आहे. कांदळवन कक्षाचा इ-मेल कोरलेली धातूची एक छोटी पट्टी व इतर नोंदी असलेला टॅग कासवावर बसविण्यात येणार आहे. त्यानंतर हे कासव सुरक्षितस्थळी सोडण्यात येणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
