नामांतरासाठी केंद्राला शिफारस; मुंबईतील आठ रेल्वे स्थानकांची नावे बदलण्याचा ठराव विधानसभेत एकमताने मंजूर

मध्य रेल्वेच्या करीरोड रेल्वेस्थानकाचे लालबाग, तर सँडहर्स्ट रेल्वेस्थानकाचे डोंगरी, पश्चिम रेल्वेवरील मरीनलाईन्स स्थानकाचे मुंबादेवी व चर्नीरोडचे गिरगाव आणि हार्बर रेल्वे मार्गावरील कॉटन ग्रीनचे काळाचौकी, सँडहर्स्ट रोडचे डोंगरी, डॉकयार्ड रोडचे माझगाव आणि किंग्ज सर्कल रेल्वे स्थानकाचे तीर्थंकर पार्श्वनाथ रेल्वे स्थानक असे नामांतर करण्याची शिफारस केंद्र सरकारला करण्यात येणार आहे. याबाबतचा ठराव मंत्री दादा भुसे यांनी विधानसभेत मांडला.

आणखी वाचा

राज्याच्या विकासाचा वेग कायम राखण्यासाठी आराखडा महत्वाचा; मुख्यमंत्री देवेंद्र फडणवीस यांचे प्रतिपादन

Delhi Assembly Election: पराभव ‘आप’चा, धक्का उद्धव ठाकरे…

सहकार निवडणूक प्राधिकरणाला आयोगाचा दर्जा

प्रधानमंत्री आवास योजनेतील घरकुलांच्या कामांना गती देण्याचे मुख्यमंत्र्यांचे आदेश

उरुळी-फुरसुंगी ‘टीपी’साठी नगरविकास मंत्र्यांना साकडे!

आरटीईच्या प्रवेशांसाठीच्या नियमांमध्ये होणार बदल… शिक्षण विभागाकडून समितीची स्थापना

Pune Metro: पुण्यातील वाहतूक खोळंब्यावर १,२६,४८९ कोटींचा तोडगा; जिल्हा नियोजन समितीत CMP सादर!

राज्यात स्थानिक निवडणुका लांबणीवर का पडल्या? तिसरी बाजी कोणाची? 

हेही वाचा >>> बोगस पॅथोलॉजी लॅबवर नियंत्रणासाठी कठोर कायदा – सामंत

यावेळी दादर स्थानकाचे नामांतर चैत्यभूमी रेल्वेस्थानक करण्याची मागणी काँग्रेसचे नितीन राऊत यांनी केली. तर छत्रपती संभाजीनगरच्या विमानतळाला छत्रपती संभाजीराजे आंतरराष्ट्रीय विमानतळ आणि नवी मुंबई विमानतळाला दि.बा. पाटील आंतरराष्ट्रीय विमानतळ असे नामांतर करण्याचा प्रस्ताव केंद्र सरकारला २०२१ मध्ये पाठविण्यात आला होता. त्याची सद्यास्थिती काय आहे, असा सवाल आदित्य ठाकरे यांनी केला. महायुती सरकारने औरंगाबादचे छत्रपती संभाजीनगर तर उस्मानाबादचे धाराशिव असे नामकरण करण्याचा ठराव केला होता. त्यानुसार केंद्र सरकारने मान्यता दिल्यापासून या दोन्ही जिल्ह्यांची नावे बदलण्यात आली आहेत. पुढील प्रक्रिया काय असेल ? विधिमंडळाच्या उभय सभागृहाने आठ रेल्वे स्थानकांची नावे बदलण्याचा केलेला ठराव केंद्र सरकारच्या गृह विभागाकडे सादर केला जाईल. गृह विभागाकडून विविध खात्यांकडून ना हरकत प्रमाणपत्र घेतले जाते. रेल्वे स्थानकांची नावे बदलायची असल्याने रेल्वे खात्याची मंजूरी आवश्यक असेल. यापूर्वी फडणवीस सरकारच्या काळात एलफिस्टन रोड स्थानकाचे प्रभादेवी स्थानक असे नामकरण करण्यात आले होते.